રાજ્યસભા ચૂંટણી ૨૦૨૬

ભારતીય ચૂંટણી પંચે રાજ્યસભાની ૩૭ ખાલી થનારી બેઠકો માટે ચૂંટણી કાર્યક્રમ જાહેર કરી દીધો છે. એપ્રિલ ૨૦૨૬માં કાર્યકાળ પૂરો થનારા સભ્યોની જગ્યા ભરવા માટે ૧૦ રાજ્યોમાં આ ચૂંટણી યોજાશે. ચૂંટણી પંચના જાહેર કરેલા કાર્યક્રમ મુજબ ૨૬ ફેબ્રુઆરી ૨૦૨૬ના રોજ નોટિફિકેશન જારી થશે અને ૧૬ માર્ચ ૨૦૨૬ના રોજ સવારે ૯થી સાંજે ૪ વાગ્યા સુધી મતદાન થશે. મતદાનના જ દિવસે સાંજે ૫ વાગ્યાથી મતગણતરી શરૂ થશે અને આખી પ્રક્રિયા ૨૦ માર્ચ ૨૦૨૬ સુધીમાં પૂર્ણ થઈ જશે.

ચૂંટણી કાર્યક્રમની વિગતો

• નોટિફિકેશન જારી: ૨૬ ફેબ્રુઆરી ૨૦૨૬
• નોમિનેશન દાખલ કરવાની છેલ્લી તારીખ: ૫ માર્ચ ૨૦૨૬
• નોમિનેશન પત્રોની ચકાસણી: ૬ માર્ચ ૨૦૨૬
• નામ પાછું ખેંચવાની છેલ્લી તારીખ: ૯ માર્ચ ૨૦૨૬
• મતદાન: ૧૬ માર્ચ ૨૦૨૬ (સવારે ૯થી સાંજે ૪)
• મતગણતરી: ૧૬ માર્ચ ૨૦૨૬ (સાંજે ૫ વાગ્યાથી)
• પ્રક્રિયા પૂર્ણ: ૨૦ માર્ચ ૨૦૨૬

કયા રાજ્યોમાં કેટલી બેઠકો? આ ચૂંટણીમાં ૧૦ રાજ્યોની કુલ ૩૭ બેઠકો પર મતદાન થશે. રાજ્યો અને તેમાંથી નિવૃત્ત થનારા કેટલાક મુખ્ય સભ્યોની યાદી નીચે મુજબ છે:

• મહારાષ્ટ્ર (૬ બેઠકો): ડૉ. ભગવત કિશનરાવ કરાડ, ડૉ. ફૌઝિયા તહસીન અહેમદ ખાન, પ્રિયંકા વિક્રમ ચતુર્વેદી, શરદચંદ્ર ગોવિંદરાવ પવાર, ધૈર્યશીલ મોહન પાટિલ, રજની અશોકરાવ પાટિલ, રામદાસ બંધુ આઠવલે
• તમિલનાડુ (૭ બેઠકો): એન.આર. એલંગો, પી. સેલ્વારસુ, એમ. થમ્બિદુરઈ, તિરુચી સિવા, ડૉ. કનિમોઝી, એન.વી.એન. સોમુ, જી.કે. વાસન
• પશ્ચિમ બંગાળ (૫ બેઠકો): સાકેત ગોખલે, ઋતબ્રત બેનર્જી, વિકાસ રંજન ભટ્ટાચાર્ય, મૌસમ નૂર, સુબ્રત બક્ષી
• બિહાર (૫ બેઠકો): અમરેન્દ્ર ધારી સિંહ, પ્રેમચંદ ગુપ્તા, રામનાથ ઠાકુર, ઉપેન્દ્ર કુશવાહા, હરિવંશ નારાયણ સિંહ
• ઓડિશા (૩ બેઠકો): મમતા મોહંતા, મુજીબુલ્લા ખાન, સુજીત કુમાર, નિરંજન બિશી
• આસામ (૩ બેઠકો): રામેશ્વર તેલી, ભુવનેશ્વર કલિતા, અજીત કુમાર ભુઇયાં
• છત્તીસગઢ (૨ બેઠકો): કવિ તેજપાલ સિંહ તુલસી, ફૂલો દેવી નેતામ
• હરિયાણા (૨ બેઠકો): કિરણ ચૌધરી, રામચંદર જાંગરા
• હિમાચલ પ્રદેશ (૧ બેઠક): ઈન્દુ બાલા ગોસ્વામી
• તેલંગાણા (૨ બેઠકો): ડૉ. અભિષેક મનુ સિંઘવી, કે.આર. સુરેશ રેડ્ડી

રાજકીય પક્ષોની તૈયારી રાજકીય પક્ષોએ ઉમેદવારોની પસંદગીની પ્રક્રિયા શરૂ કરી દીધી છે. મહારાષ્ટ્રમાં શરદ પવાર, રામદાસ આઠવલે જેવા દિગ્ગજોની બેઠકો ખાલી થઈ રહી છે, જ્યાં ભાજપ, શિવસેના (શિંદે), એનસીપી (અજિત પવાર) અને મહાવિકાસ આઘાડી વચ્ચે તીવ્ર સ્પર્ધા જોવા મળી શકે છે. તમિલનાડુમાં DMK અને AIADMK વચ્ચે મોટી લડાઈ થશે. પ. બંગાળમાં TMCની મજબૂતી અને બિહારમાં NDA vs મહાગઠબંધનની જંગ જોવા મળશે.