દિલ્હીમાં મોટા આતંકી હુમલાનું ષડયંત્ર નિષ્ફળ

દિલ્હી પોલીસે એક મોટી કાર્યવાહી કરીને રાજધાની સહિત દેશના વિવિધ શહેરોમાં આતંકી હુમલાના કથિત ષડયંત્રને નિષ્ફળ બનાવી હોવાનો દાવો કર્યો છે. પોલીસ દ્વારા પાકિસ્તાનની ગુપ્તચર એજન્સી ISI સાથે જોડાયેલા હોવાનું માનવામાં આવતા 9 શંકાસ્પદ એજન્ટોની ધરપકડ કરવામાં આવી છે. ધરપકડ કરાયેલા શખ્સોમાં દિલ્હી, મુંબઈ અને પંજાબ સાથે સંકળાયેલા લોકોનો સમાવેશ થાય છે, જ્યારે કેટલાક વિદેશી નાગરિકો પણ હોવાનું સામે આવ્યું છે.મળતી માહિતી મુજબ, આ શંકાસ્પદ લોકો દેશના મહત્વના અને સંવેદનશીલ સ્થળોને નિશાન બનાવી હુમલાની યોજના ઘડી રહ્યા હતા. તપાસ દરમિયાન તેમની પાસેથી મોટી માત્રામાં હથિયારો, ગ્રેનેડ અને વિસ્ફોટક સામગ્રી જપ્ત કરવામાં આવી હોવાનું જણાવાયું છે. પોલીસના પ્રાથમિક દાવા મુજબ, કેટલાક વિસ્ફોટકો પાકિસ્તાનથી મોકલવામાં આવ્યા હોવાનું પણ સામે આવ્યું છે.

હથિયાર, ગ્રેનેડ વિસ્ફોટક મળ્યા
દિલ્હી પોલીસના દાવા મુજબ ધરપકડ કરાયેલા શંકાસ્પદો પાસેથી મોટી માત્રામાં હથિયારો, વિસ્ફોટક સામગ્રી અને હેન્ડ ગ્રેનેડ જપ્ત કરવામાં આવ્યા છે.તપાસમાં એ દિશામાં પણ ચકાસણી થઈ રહી છે કે આ સામગ્રી દેશની અંદર કેવી રીતે પહોંચી અને તેની સપ્લાય ચેઇનમાં કોણ-કોણ સંડોવાયેલું હતું.સુરક્ષા એજન્સીઓ માને છે કે સમયસરની કાર્યવાહી ન થઈ હોત તો આ નેટવર્ક મોટા આતંકી હુમલાની તૈયારીને અંતિમ તબક્કે પહોંચાડી શક્યું હોત. જોકે અધિકારીઓએ હજી સુધી તમામ પુરાવા અને તપાસની વિગતો જાહેર કરી નથી.

સ્થાનિક નેટવર્કના ઉપયોગની તપાસ
તપાસમાં સૌથી મહત્વપૂર્ણ મુદ્દો એ બની રહ્યો છે કે વિદેશી હેન્ડલરો અને આતંકી નેટવર્ક હવે સ્થાનિક સ્તરે લોકોનો ઉપયોગ કરવાનો પ્રયાસ કરી રહ્યા હોવાની આશંકા વ્યક્ત કરવામાં આવી રહી છે.સુરક્ષા એજન્સીઓ વિવિધ ડિજિટલ કડીઓ, કોલ રેકોર્ડ્સ, નાણાકીય વ્યવહારો અને અંડરવર્લ્ડ કનેક્શનની તપાસ કરી રહી છે. કેટલાક અહેવાલોમાં દાઉદ ઇબ્રાહિમ સાથે સંકળાયેલા અંડરવર્લ્ડ નેટવર્કના સંભવિત તારની પણ ચર્ચા થઈ રહી છે, જોકે તેની સત્તાવાર પુષ્ટિ હજુ તપાસનો વિષય છે.

દેશના મહત્વપૂર્ણ ઇન્ફ્રાસ્ટ્રક્ચરને નિશાન બનાવવાની આશંકા
તપાસ દરમિયાન કેટલીક મહત્વપૂર્ણ અને વ્યૂહાત્મક જગ્યાઓ અંગે માહિતી મળી હોવાનું જણાવવામાં આવી રહ્યું છે. સુરક્ષા એજન્સીઓના મતે સંભવિત રીતે દેશના મહત્વપૂર્ણ ઇન્ફ્રાસ્ટ્રક્ચર અને ભીડભાડવાળા વિસ્તારોને નિશાન બનાવવાનો પ્રયાસ થઈ રહ્યો હતો.તપાસ હેઠળ રહેલા સંભવિત ટાર્ગેટ્સમાં ન્યૂક્લિયર અને પાવર પ્લાન્ટ, વીજ ઉત્પાદન કેન્દ્રો, એરપોર્ટ અને રેલવે સ્ટેશનો જેવા મહત્વપૂર્ણ સ્થળોનો સમાવેશ થતો હોવાની માહિતી સામે આવી છે. જોકે અધિકારીઓએ સુરક્ષા કારણોસર વિગતવાર માહિતી જાહેર કરી નથી.

તપાસનો વ્યાપ વધવાની શક્યતા
દિલ્હી પોલીસની કાર્યવાહીને આતંકવાદ વિરોધી અભિયાનમાં મહત્વપૂર્ણ સફળતા તરીકે જોવામાં આવી રહી છે. હાલ તમામ આરોપીઓની પૂછપરછ ચાલી રહી છે અને તેમના સ્થાનિક તેમજ આંતરરાષ્ટ્રીય સંપર્કોની તપાસ કરવામાં આવી રહી છે.સુરક્ષા એજન્સીઓ હવે એ દિશામાં પણ તપાસ કરી રહી છે કે આ નેટવર્ક માત્ર એક શહેર પૂરતું મર્યાદિત હતું કે પછી દેશવ્યાપી સ્તરે વધુ મોટી યોજના પર કામ કરી રહ્યું હતું. આગામી દિવસોમાં વધુ ધરપકડો અને નવા ખુલાસાઓ સામે આવવાની શક્યતા વ્યક્ત કરવામાં આવી રહી છે.તપાસ પૂર્ણ ન થાય ત્યાં સુધી અનેક મુદ્દાઓ અંગે સત્તાવાર સ્પષ્ટતા બાકી છે,પરંતુ હાલની કાર્યવાહીથી દેશના મહત્વપૂર્ણ વિસ્તારો સામે સંભવિત સુરક્ષા જોખમને સમયસર નિષ્ક્રિય કરવામાં આવ્યું હોવાનું માનવામાં આવી રહ્યું છે.

આ જગ્યાઓ પર કરવાના હતા હુમલો
પાવર પ્લાન્ટ ન્યુક્લિયર પ્લાન્ટ પાવર ઘરએરપોર્ટ રેલ્વે સ્ટેશન
દિલ્હી પોલીસે 9 શંકાસ્પદ આતંકવાદીઓની ધરપકડ કરી
ધરપકડ કરાયેલા નવ આતંકવાદી શંકાસ્પદ લોકો દેશના પાવર પ્લાન્ટ, ન્યૂક્લિયર પ્લાન્ટ, વિજળી ઘર, એરપોર્ટ અને રેલ્વે સ્ટેશનોને નિશાન બનાવવાનું કાવતરું ઘડી રહ્યા હતા. આમાંના મોટાભાગના સ્થળો એવા છે જ્યાં મોટી સંખ્યામાં ભીડ હોય છે.