ઓમર અબ્દુલ્લાએ કરી વંદે ભારત ટ્રેનની મુસાફરી, X પર શેર કરી તસવીર

જમ્મુ અને કાશ્મીરના મુખ્યમંત્રીએ ગુરુવારે વંદે ભારત ટ્રેનમાં મુસાફરી કરી હતી. મુસાફરી દરમ્યાનની તસવીરો મુખ્યમંત્રી અબ્દુલ્લાએ પોતાના X અકાઉન્ટ પર શેર કરી હતી. ઓમર અબ્દુલ્લાએ શ્રીનગરથી કટરા સુધી વંદે ભારતમાં મુસાફરી કરી હતી. 

ગત અઠવાડિયે ઓમર અબ્દુલ્લાના પિતા અને પૂર્વ મુખ્ય મંત્રી ડૉ. ફારૂક અબ્દુલ્લાએ પણ વંદે ભારત ટ્રેનમાં શ્રીનગરથી કટરા સુધી પ્રવાસ કર્યો હતો. સવારે શ્રીનગર પાછા ફરતા પહેલા કટરામાં માતા વૈષ્ણોદેવીના પવિત્રધામમાં રોકાયા હતા. ત્યાં રાત્રે મંદિરમાં પ્રાથના કરી સવારે શ્રીનગર પાછા ફર્યા હતા. 

વંદે ભારત શ્રીનગરથી કટરા પહોંચવા માટે 3 કલાક જેટલો સમય લે છે. જમ્મુ રેલ્વે સ્ટેશનનું સપ્ટેમ્બર સુધી કાર્ય પૂર્ણ થયા બાદ વંદે ભારત ટ્રેન જમ્મુ અને શ્રીનગર વચ્ચે દોડશે. શ્રીનગરથી કટરા સુધીની વંદે ભારત ટ્રેનને PM મોદી દ્વારા 6 જૂનના દિવસે લીલી ઝંડી આપાઈ હતી. કટરાથી શ્રીનગર વચ્ચે બનેલો આ રેલ રસ્તો વિશ્વનો સૌથી ઊંચો રેલ્વે બ્રિજ છે જે ચિનાબ નદી પર બાંધવામાં આવ્યો છે. આ બ્રિજ પેરિસના એફિલ ટાવર કરતાં પણ 35 મિટરની વધુ ઊંચાઈએ આવેલો છે. 

વંદે ભારત ટ્રેનમાં અન્ય સુવિધાઓ જેવી કે CCTV કેમેરા, ઇમરજન્સી કીટ તેમજ અગ્નિશામક કીટનો પણ સમાવેશ કરવામાં આવે છે. જમ્મુ અને કાશ્મીરમાં વંદે ભારત ટ્રેન જેવી સુવિધાઓ પ્રવાસન, શિક્ષણ અને વ્યાપારને વેગવંતુ બનાવવામાં ઉપયોગી થશે.