અમરનાથ યાત્રામાં આવ્યો વિલંબ, ભક્તોએ જાણી લેવી આ માહિતી

સામાન્ય રીતે અમરનાથ યાત્રાનું  જૂનથી ઓગસ્ટ માસ દરમ્યાન આયોજન થતું હોય છે. આ વર્ષે આમરનાથ યાત્રા 3 જુલાઇથી શરૂ થવાની છે. જમ્મુ કશ્મીરના પહેલગામમાં થયેલો આતંકી હુમલો આમરનાથની નજીકના અંતરે જ થયું હતો. 22 એપ્રિલ પછી આ પ્રદેશમાં પ્રથમવાર મોટી યાત્રા થવા જઈ રહી છે. ત્યારે આ યાત્રામાં ભક્તોને સહેજ પણ અગવડતા ન પડે તે માટેનું ખાસ ધ્યાન રાખવામાં આવી રહ્યું છે. 

'નો ફ્લાઈંગ ઝોન' વિસ્તાર:

ગૃહ મંત્રાલય દ્વારા જારી કરાયેલા આદેશો અનુસાર જમ્મુ અને કશ્મીરના બાલતાલ અને પહેલગામ બંને યાત્રા રૂટ પર UAV, ડ્રોન, ફુગ્ગા સહિત કોઈપણ પ્રકારના ઉડ્ડયન પ્લેટફોર્મ અને ઉપકરણો ઉડાવવા પર પ્રતિબંધ છે. જોકે, આ આદેશ તબીબી સ્થળાંતર, આપત્તિ વ્યવસ્થાપન અથવા સુરક્ષા દળો દ્વારા દેખરેખ માટે લાગુ પડશે નહીં. 'નો ફ્લાઈંગ ઝોન'ના પગલે હવે ભક્તો હવે હેલિકોપ્ટરથી અમરનાથની યાત્રા કરી શકસે નહીં. 

 3 જુલાઇથી શરૂ થવાની આ યાત્રાને લઇને સુરક્ષાનો સખત બંદોબસ્ત ખડકી દેવાયો છે. યાત્રિકોની સુરક્ષાને લઇને જમ્મુ કાશ્મીરની સરકારે મોટો નિર્ણય લીધો છે કે તીર્થયાત્રિકોની સુરક્ષાને મજબૂત કરવા માટે ગૃહમંત્રાલયની સલાહ પર પહલગામ અને બાલતાલ માર્ગ પર હવાઇ પ્રતિબંધ લગાવી દીધો છે. જેને લઇને સમગ્ર રૂટને નો ફ્લાઇંગ ઝોન જાહેર કરી દીધો છે.

'નો ફ્લાઈંગ ઝોન'નો સમયગાળો: 

આ સુરક્ષા નિર્દેશ 1 જુલાઇથી 10 ઑગષ્ટ 2025 સુધી લાગુ રહેશે. મહત્વનું છે કે અમરનાથ યાત્રા 3 જુલાઇથી 9 ઓગષ્ટ સુધી ચલાશે. જેમાં મોટી સંખ્યામાં શ્રદ્ધાળુઓ ઉમટી પડશે આ દરમિયાન કોઇપણ પ્રકારની સુરક્ષામાં ચૂક ન રહે તે માટે તમામ વ્યવસ્થા કરવામાં આવી છે. જેને કારણે આ પગલુ ભરવામાં આવ્યું છે. જો કોઇ ખાસ કારણો જેવા કે મેડિકલ ઇમરજન્સી, આપત્તિ વ્યવસ્થાપન, અથવા સુરક્ષા દળો દ્વારા હાથ ધરવામાં આવતી દેખરેખ કામગીરી દરમિયાન નિયમમાં બાંધછોડ કરવામાં આવી શકે છે.