ભારત અને સાઉથ આફ્રિકા વચ્ચે બીજી ટેસ્ટ મેચ 22 નવેમ્બરથી ગુવાહાટીમાં શરૂ થવા જઈ રહી છે. જોકે, આ મહત્વપૂર્ણ મેચ પહેલા ભારતીય કેપ્ટન શુભમન ગિલના રમવા અંગે મોટું સસ્પેન્સ જોવા મળી રહ્યું છે. BCCIએ આ અંગે મોટું અપડેટ આપ્યું છે.
ગિલને ગરદનમાં થયેલી ઈજા બાદ BCCIએ મીડિયાને જાણકારી આપી છે કે કેપ્ટન ઝડપથી સ્વસ્થ થઈ રહ્યો છે અને ટીમ સાથે ગુવાહાટી જશે. પરંતુ તે પ્લેઇંગ-11માં સામેલ થશે કે નહીં, તેના પર હજી અંતિમ નિર્ણય લેવાયો નથી.
<h4>મેચના એક દિવસ પહેલા નિર્ણય</h4>
બોર્ડના સચિવ દેવજીત સૈકિયાએ જણાવ્યું કે, શુભમન ગિલના રમવા પરનો નિર્ણય મેચ શરૂ થવાના એક દિવસ પહેલા, એટલે કે&nbsp;21 નવેમ્બરના રોજ મેડિકલ ટીમની સલાહ બાદ લેવામાં આવશે.
ગિલને કોલકાતા ટેસ્ટ દરમિયાન બેટિંગ કરતી વખતે ગરદનમાં ઈજા થઈ હતી, જેના કારણે તેને રિટાયર્ડ હર્ટ થવું પડ્યું હતું અને સારવાર માટે હોસ્પિટલમાં ખસેડવામાં આવ્યો હતો. જોકે, એક દિવસ ICUમાં રહ્યા બાદ તેને રજા આપવામાં આવી હતી. હાલમાં BCCIની મેડિકલ ટીમ તેના સ્વાસ્થ્ય પર સતત નજર રાખી રહી છે.
<h4>ગિલ ન રમે તો કોણ લેશે સ્થાન?</h4>
કોલકાતાના ઈડન ગાર્ડનમાં પહેલી ટેસ્ટમાં હારનો સામનો કર્યા બાદ ટીમ ઇન્ડિયા હવે ગુવાહાટીમાં મજબૂત વાપસી કરવા માંગે છે. જો શુભમન ગિલ આ મેચમાં નહીં રમી શકે, તો તેના સ્થાને કયા ખેલાડીને તક મળશે તે એક મોટો સવાલ છે.
કોલકાતામાં થયેલી પ્રેક્ટિસ સેશન દરમિયાન યુવા ખેલાડી સાંઈ સુદર્શનએ ઘણો પરસેવો પાડ્યો હતો. આ જોતા એવી ચર્ચા છે કે તેને ગિલના સ્થાને ઓપનિંગમાં તક મળી શકે છે. આ ઉપરાંત નીતિશ કુમાર રેડ્ડી પણ ટીમમાં સામેલ છે.
ભારતીય ટીમ સીરિઝમાં હાલમાં 0-1થી પાછળ છે. ગુવાહાટી ટેસ્ટમાં જો ટીમ ઇન્ડિયા કોઈ ભૂલ કરશે, તો તે માત્ર સીરિઝ ગુમાવશે નહીં, પરંતુ ટીમ મેનેજમેન્ટને પણ આકરી ટીકાનો સામનો કરવો પડશે.

શુભમનના રમવા અંગે સસ્પેન્સ બરકરાર

ઈજાગ્રસ્ત કેપ્ટન ટીમ સાથે ગુવાહાટી જશે, રમવાનો નિર્ણય 21 નવેમ્બરે લેવાશે

November 19, 2025 | 22:52 IST