શુભમન ગિલ બન્યા ભારતના નવા ટેસ્ટ કેપ્ટન, ઈંગ્લેન્ડ સામેની સિરીઝથી નવો યૂગ શરૂ

શુભમન ગિલ રોહિત શર્માનું સ્થાન લેશે, જેમણે ગત સિઝનમાં ખાસ કરીને ઓસ્ટ્રેલિયામાં બોર્ડર-ગાવસ્કર ટ્રોફીમાં ખરાબ ફોર્મને કારણે મે મહિનામાં ફોર્મેટમાંથી નિવૃત્તિ લીધી હતી.

ગિલે અત્યારસુધીમાં ભારત માટે 32 ટેસ્ટ રમી છે. તેણે ભારતના 2020-21ના ઓસ્ટ્રેલિયા પ્રવાસ દરમિયાન MCG ટેસ્ટમાં ટેસ્ટ ડેબ્યૂ કર્યું હતું. અત્યારસુધીમાં તેણે 35.05ની સરેરાશથી 1893 રન બનાવ્યા છે. તેના ઘરમાં (42.03) અને બહાર (27.53) સરેરાશ વચ્ચે ઘણો તફાવત છે. આગામી શ્રેણી ગિલનો પહેલો સંપૂર્ણ પ્રવાસ હશે. તેમણે ત્યાં 2021 અને 2023માં 2 WTC ફાઇનલ રમી છે, અને 2021ના ​​પ્રવાસમાં COVID-19ને કારણે મુલતવી રાખવામાં વ્યા બાદ પાંચમી ટેસ્ટ પણ રમી હતી.

ભારત 2025-27 વર્લ્ડ ટેસ્ટ ચેમ્પિયનશિપ (WTC) ચક્રની શરૂઆત ઇંગ્લેન્ડ સામે 5 ટેસ્ટ મેચની શ્રેણી સાથે કરશે. તેઓ હેડિંગ્લી ખાતે પહેલી ટેસ્ટ (20 જૂનથી), એજબેસ્ટન ખાતે બીજી ટેસ્ટ (2 જુલાઈથી), લોર્ડ્સ ખાતે ત્રીજી ટેસ્ટ (10 જુલાઈથી), ઓલ્ડ ટ્રેફોર્ડ ખાતે ચોથી ટેસ્ટ (23 જુલાઈથી) અને ઓવલ ખાતે છેલ્લી ટેસ્ટ (31 જુલાઈથી) રમવાના છે.

ભારત પોતાના પ્રવાસની શરૂઆત 13થી 16 જૂન દરમિયાન બેકનહામમાં ઇન્ડિયા એ સામે 4 દિવસીય મેચથી કરશે.