<p><strong>લંડન, ઓવલ:</strong> અહિ મને બોલીવુડની એક ફિલ્મ ઓમ શાંતી ઓમનો ડાયલોગ યાદ આવી રહ્યો છે. કિસી ચીજ કો અગર આપ સિદ્દત સે ચાહો તો પુરી કાયનાત આપકો ઉસે મિલાનેમે લગ જાતી હૈ, કઈક એવુ જ થયુ , લંડનમાં રમાઈ રહેલી પાંચમી ટેસ્ટ મેચમાં. ભારત અને ઈંગ્લેન્ડ વચ્ચે ઓવલ ક્રિકેટ ગ્રાઉન્ડ પર રમાઈ રહેલી પાંચમી અને અંતિમ ટેસ્ટ મેચના પ્રથમ દિવસે ભારતીય ટીમે સંઘર્ષપૂર્ણ શરૂઆત કરી છે. દિવસના અંત સુધીમાં ભારતે 6 વિકેટે 204 રન બનાવ્યા છે, જેમાં&nbsp;<strong>કરુણ નાયરની લડાયક અડધી સદી</strong> મુખ્ય આકર્ષણ રહી છે.</p>
<p>મેચના પહેલા દિવસે (31મી જુલાઈ), જ્યારે ભારતીય ટીમ મુશ્કેલીમાં મુકાઈ હતી અને માત્ર 153 રનના સ્કોર પર 6 વિકેટ ગુમાવી દીધી હતી, ત્યારે ઇન-ફોર્મ કેપ્ટન શુભમન ગિલ અને કે.એલ. રાહુલ જેવા બેટ્સમેનો ફ્લોપ રહ્યા હતા. આવા સમયે, ટીમની ઇનિંગ્સને સંભાળવાની જવાબદારી અનુભવી બેટર કરુણ નાયરે ઉઠાવી હતી. તેણે વોશિંગ્ટન સુંદર સાથે મળીને સાતમી વિકેટ માટે 51 રનની અણનમ ભાગીદારી નોંધાવી, જેનાથી ભારતનો સ્કોર 200નો આંકડો પાર કરી શક્યો. દિવસની રમતના અંતે કરુણ નાયર 52 રન (98 બોલ, 7 ચોગ્ગા) બનાવીને રમી રહ્યા છે, જ્યારે વોશિંગ્ટન સુંદર 19 રન બનાવીને તેમનો સાથ આપી રહ્યા છે.</p>
<h3>3146 દિવસનો લાંબો ઇંતજાર: કરુણ નાયરની ઐતિહાસિક અડધી સદી</h3>
<p>આ ટેસ્ટ મેચમાં કરુણ નાયરની અડધી સદી સૌથી ખાસ એટલા માટે હતી, કારણ કે તેને આ માઈલસ્ટોન સુધી પહોંચવા માટે <strong>3146 દિવસનો લાંબો ઇંતજાર</strong> કરવો પડ્યો હતો. તેણે 89 બોલમાં પોતાની અડધી સદી પૂરી કરી અને મેદાન પર મજબૂત રીતે ઊભો છે. નોંધનીય છે કે, કરુણ નાયરે છેલ્લે <em>18 ડિસેમ્બર 2016ના રોજ ચેન્નાઈમાં ઈંગ્લેન્ડ સામે જ ત્રેવડી સદી (303 રન)</em>* ફટકારી હતી. તે ઇનિંગ્સમાં તેણે 32 ચોગ્ગા અને 4 છગ્ગા ફટકાર્યા હતા. તે પછીના સમયગાળામાં ટેસ્ટ ક્રિકેટમાં તે સારું પ્રદર્શન કરી શક્યો ન હતો, જેના કારણે તેને ટીમમાંથી બહાર કરવામાં આવ્યો હતો.</p>
<h3>કરુણ નાયરનો અત્યાર સુધીનો કરિયર ગ્રાફ</h3>
<p>33 વર્ષીય કરુણ નાયરે અત્યાર સુધીમાં 10 ટેસ્ટ મેચ રમી છે, જેમાં તેણે 14 ઇનિંગ્સમાં 46.41ની સરેરાશથી કુલ 557 રન બનાવ્યા છે. તેની ટેસ્ટ કારકિર્દીમાં એક સદી (ત્રીવડી સદી) અને હવે એક અડધી સદીનો સમાવેશ થાય છે. ટેસ્ટ ઉપરાંત, તેણે ભારતીય ટીમ માટે 2 વનડે મેચ પણ રમી છે, જેમાં તેણે 46 રન બનાવ્યા છે.</p>
<p>આ લડાયક ઇનિંગ્સ કરુણ નાયર માટે પુનરાગમનની આશા જગાવે છે અને ભારતીય ટીમને પણ આશા છે કે આવતીકાલે તે અને વોશિંગ્ટન સુંદર વધુ રન ઉમેરીને ટીમને મજબૂત સ્થિતિમાં લાવી શકશે.</p>

કહેવાય છે તપાસ્યાનું ફળ એક દીવસ જરુર મળે છે

ઓવલમાં ચાલી રહેલી પાંચમા ટેસ્ટમાં ધણા રેકોર્ડ ટુટ્યા, કરુણ નાયરની વાપસીએ સૌને ચોકાવ્યા

August 1, 2025 | 17:43 IST