બ્રિસ્બેનના ગાબા મેદાન પર ભારત અને ઓસ્ટ્રેલિયા વચ્ચે રમાનારી પાંચમી અને અંતિમ ટી20 મેચ ભારે વરસાદ અને વીજળી પડવાને કારણે રદ કરી દેવામાં આવી હતી. આ મેચ રદ થતાં ભારતે શ્રેણી 2-1થી પોતાના નામે કરી. સતત વરસતા વરસાદ અને ખરાબ હવામાનને કારણે મેચ આગળ વધી શકી નહોતી.
ટોસ જીતીને ઓસ્ટ્રેલિયન કેપ્ટન મિશેલ માર્શે ભારતને પ્રથમ બેટિંગ માટે આમંત્રણ આપ્યું હતું. ભારતે 4.5 ઓવરમાં કોઈ વિકેટ ગુમાવ્યા વિના 52 રન બનાવ્યા હતા, ત્યારબાદ ભારે વરસાદ અને વીજળી પડતાં ખેલાડીઓને મેદાન છોડી દેવાની ફરજ પડી. સલામતીના કારણે દર્શકોને પણ ઉપરના સ્ટેન્ડમાં ખસેડવામાં આવ્યા હતા.
હવામાન વિભાગના અનુમાન મુજબ મેદાન વિસ્તારમાં વીજળી પડવાની શક્યતા હતી, જેના કારણે રમત ફરી શરૂ થઈ શકી નહોતી. વરસાદ રુકતાં પહેલાં ભારતીય ઓપનર અભિષેક શર્મા 23 રન બનાવી અણનમ રહ્યો અને 1000 ટી20 આંતરરાષ્ટ્રીય રન બનાવનાર બીજો સૌથી ઝડપી ભારતીય બન્યો. શુભમન ગિલે પણ 29 રન બનાવી અણનમ ઇનિંગ રમી હતી.
ભારતની પ્લેઈંગ ઈલેવન: અભિષેક શર્મા, શુભમન ગિલ, સૂર્યકુમાર યાદવ (કેપ્ટન), રિંકુ સિંહ, અક્ષર પટેલ, શિવમ દુબે, જીતેશ શર્મા (વિકેટકીપર), વોશિંગ્ટન સુંદર, અર્શદીપ સિંહ, વરુણ ચક્રવર્તી, જસપ્રીત બુમરાહ.
ઓસ્ટ્રેલિયાની પ્લેઈંગ ઈલેવન: મિશેલ માર્શ (કેપ્ટન), મેથ્યુ શોર્ટ, જોશ ઈંગ્લિસ (વિકેટકીપર), ટિમ ડેવિડ, જોશ ફિલિપ, માર્કસ સ્ટોઈનિસ, ગ્લેન મેક્સવેલ, બેન દ્વારશુઈસ, ઝેવિયર બાર્ટલેટ, નાથન એલિસ, એડમ ઝામ્પા.
આ પરિણામ સાથે ભારતે ટી20 શ્રેણી 2-1થી જીતીને શાનદાર પ્રદર્શન સાથે શ્રેણી પૂર્ણ કરી, જ્યારે ગાબાની મેચ વરસાદને કારણે અધૂરી રહી ગઈ.

ટી20 ભારત ઓસ્ટ્રેલિયા

ભારતે ઓસ્ટ્રેલિયા સામે સીરિઝ 2-1થી જીતી, વરસાદે મેચ બગાડી

November 8, 2025 | 22:50 IST