સોશિયલ મીડિયાની દુનિયામાં, મેટાની માલિકીની એપ્સ હંમેશા એકબીજાના ફીચર્સ અપનાવતી રહે છે. ઇન્સ્ટાગ્રામ અને ફેસબુક પર સફળ રહેલું એક લોકપ્રિય ફીચર હવે વોટ્સએપમાં આવી રહ્યું છે. વોટ્સએપ યુઝર્સ હવે તેમના સ્ટેટસને માત્ર 'ક્લોઝ ફ્રેન્ડ્સ' સાથે શેર કરી શકશે. આ ફીચર યુઝર્સને તેમની પ્રાઇવસી પર વધુ નિયંત્રણ આપશે અને કન્ટેન્ટ શેરિંગને વધુ સરળ બનાવશે.
'ક્લોઝ ફ્રેન્ડ્સ' લિસ્ટ: કેવી રીતે કામ કરશે?
આગામી ફીચર ઇન્સ્ટાગ્રામના 'ક્લોઝ ફ્રેન્ડ્સ' ફીચરની જેમ જ કામ કરશે. યુઝર્સ પ્રાઇવસી સેટિંગ્સમાં જઈને તેમનું એક ખાસ લિસ્ટ બનાવી શકશે. અત્યારે વોટ્સએપમાં સ્ટેટસ શેર કરવા માટે ત્રણ વિકલ્પો છે: બધા કોન્ટેક્ટ્સ સાથે, અમુક કોન્ટેક્ટ્સ સિવાય, અને અમુક પસંદ કરેલા કોન્ટેક્ટ્સ સાથે. આ નવા ફીચર સાથે, એક ચોથો વિકલ્પ ઉમેરાશે, જેમાં યુઝર એક જ ક્લિકમાં પોતાના ખાસ મિત્રો સાથે સ્ટેટસ શેર કરી શકશે.
<img style="display: block; margin-left: auto; margin-right: auto;" src="https://c.ndtvimg.com/2024-05/e42u0kn_whatsapp_625x300_22_May_24.jpg?im=FaceCrop,algorithm=dnn,width=545,height=307" alt="WhatsApp To Introduce Feature To Control Who Can See Your Status Updates" width="500">
આ લિસ્ટ બનાવ્યા બાદ, જ્યારે પણ યુઝર કોઈ સ્ટેટસ અપડેટ કરશે, ત્યારે તેમને 'ક્લોઝ ફ્રેન્ડ્સ' સાથે શેર કરવાનો વિકલ્પ જોવા મળશે. આનાથી યુઝર્સ માટે વારંવાર લિસ્ટ બનાવવાની ઝંઝટ ઓછી થશે અને ખાસ લોકો સાથે પર્સનલ કન્ટેન્ટ શેર કરવું વધુ સરળ બનશે.
'એક્સક્લુઝિવ' હોવાનો અહેસાસ
વોટ્સએપે આ નવા ફીચર માટે એક ખાસ સિમ્બોલ પણ તૈયાર કર્યો છે. જે રીતે ઇન્સ્ટાગ્રામ પર ક્લોઝ ફ્રેન્ડ્સ સાથે શેર થયેલી સ્ટોરી પર એક અલગ આઈકોન દેખાય છે, તે જ રીતે વોટ્સએપમાં પણ સ્ટેટસ પર આવો સિમ્બોલ જોવા મળશે. આ સિમ્બોલ યુઝરને એ અહેસાસ કરાવશે કે આ સ્ટેટસ ખાસ તેના માટે શેર કરવામાં આવ્યું છે.
<img style="display: block; margin-left: auto; margin-right: auto;" src="https://www.gujaratsamachar.com/api/image?url=https://static.gujaratsamachar.com/content_image/content_image_313e8ff7-8f90-4d6c-a27a-82c51075d032.jpeg&amp;w=750&amp;q=75" alt="ફેસબુક અને ઇન્સ્ટાગ્રામનું વધુ એક ફીચર વોટ્સએપમાં જોવા મળશે: યુઝર્સ હવે ક્લોઝ ફ્રેન્ડ્સ સાથે શેર કરી શકશે સ્ટેટ્સ 1 - image" width="500">
જોકે, આ લિસ્ટમાં જો કોઈ પણ ફેરફાર કરવામાં આવે (કોઈને ઉમેરવામાં આવે કે કાઢવામાં આવે), તો તેની કોઈને નોટિફિકેશન મળશે નહીં. આનો અર્થ એ છે કે, આ લિસ્ટની ગોપનીયતા જાળવી રાખવામાં આવશે.
સુરક્ષા અને સમય મર્યાદા
ઇન્સ્ટાગ્રામની જેમ જ, 'ક્લોઝ ફ્રેન્ડ્સ' સાથે શેર કરવામાં આવેલું સ્ટેટસ પણ 24 કલાક સુધી જ દેખાશે. આ ઉપરાંત, આ સ્ટેટસ પણ એન્ડ-ટુ-એન્ડ ઇન્ક્રિપ્શન હેઠળ સુરક્ષિત રહેશે, જેનો મતલબ છે કે મેટા કે વોટ્સએપ પણ આ કન્ટેન્ટને એક્સેસ કરી શકશે નહીં. હાલમાં આ ફીચર પર કામ ચાલી રહ્યું છે અને તે જલ્દી જ રિલીઝ થાય તેવી શક્યતા છે.

વોટ્સએપમાં આવશે આ નવુ ફિચર્શર

વોટ્સએપમાં આવી રહ્યું છે ઇન્સ્ટાગ્રામ જેવું ‘ક્લોઝ ફ્રેન્ડ’ ફીચર: ખાસ મિત્રને દેખાશે

September 1, 2025 | 22:12 IST