સ્માર્ટફોન માર્કેટમાં ફોલ્ડેબલ ડિવાઇસનો ક્રેઝ વધી રહ્યો છે. ટેક જાયન્ટ સેમસંગ હવે તેના આગામી ફોલ્ડેબલ ફોન માટે એક નવો અભિગમ અપનાવી રહ્યું છે, જેને &lsquo;વાઇડ-ફોલ્ડ&rsquo; કોડનેમ આપવામાં આવ્યું છે. આ ફોન બજારમાં ઉપલબ્ધ વર્તમાન મોડલ્સ કરતા અલગ હશે, કારણ કે તેની ડિઝાઇન પહોળાઈમાં વધુ અને ઊંચાઈમાં ઓછી રાખવામાં આવી છે.
શું છે આ વાઇડ-ફોલ્ડની વિશેષતા?&nbsp;
સેમસંગના આ નવા મોડલની ખાસિયત તેની ડિસ્પ્લે સાઈઝ અને રેશિયો છે. રિપોર્ટ્સ મુજબ, આ ફોનની અંદરની મુખ્ય સ્ક્રીન 7.6 ઇંચની હશે, જ્યારે બહારની કવર સ્ક્રીન 5.4 ઇંચની હોઈ શકે છે. આ ફોનનો લુક અને ફીલ એક નાનકડા પાસપોર્ટ જેવો હશે. તેનો એસ્પેક્ટ રેશિયો 4:3 રાખવામાં આવ્યો છે, જે વેબ બ્રાઉઝિંગ, રીડિંગ અને વીડિયો જોવાનો અનુભવ વધુ બહેતર બનાવશે. સેમસંગ આ ડિવાઇસને 2026માં એપલના ફોલ્ડેબલ આઇફોનની આસપાસ જ લોન્ચ કરે તેવી શક્યતા છે.
એપ ડેવલપર્સ માટે ખુશખબર :&nbsp;
અત્યાર સુધી ફોલ્ડેબલ ફોન માટે એપ્સ બનાવવી ડેવલપર્સ માટે પડકારજનક હતી, કારણ કે અલગ-અલગ સ્ક્રીન સાઈઝ મુજબ એપને ઓપ્ટિમાઈઝ કરવી પડતી હતી. જોકે, સેમસંગના 4:3 એસ્પેક્ટ રેશિયોને કારણે ડેવલપર્સ માટે એપ ડિઝાઇન કરવાનું કામ સરળ બનશે. આ રેશિયો સ્ટાન્ડર્ડ હોવાથી યુઝર્સને તમામ એપ્સમાં એકસરખો અને સ્મૂધ અનુભવ મળશે. આ સાથે જ કંપની 'વાઇડ-ફ્લિપ' મોડલ પર પણ વિચાર કરી રહી હોવાની ચર્ચા છે.

સેમસંગ વાઇડ ફોલ્ડ સ્માર્ટફોન

એપલ આઇફોન ફોલ્ડને ટક્કર આપવા સેમસંગે શરૂ કરી તૈયારી

December 25, 2025 | 21:38 IST