Samsung Galaxy S26: AI ફીચર્સ સાથે થશે લોન્ચ

ટેક જગતની દિગ્ગજ કંપની સેમસંગ ફરી એકવાર સ્માર્ટફોન માર્કેટમાં ક્રાંતિ લાવવા માટે તૈયાર છે. સેમસંગ તેની નવી ફ્લેગશિપ 'Galaxy S26 series' લોન્ચ કરવા જઈ રહી છે. આ વર્ષની સૌથી મોટી ટેક ઇવેન્ટ 'Galaxy Unpacked 2026' આગામી 25 ફેબ્રુઆરીએ અમેરિકાના સાન ફ્રાન્સિસ્કોમાં યોજાશે. ભારતીય સમય અનુસાર આ ઇવેન્ટ રાત્રે 11:30 વાગ્યે લાઈવ જોઈ શકાશે.

ઇવેન્ટનું લાઈવ પ્રસારણ ક્યાં જોશો ?

સેમસંગ પ્રેમીઓ આ ભવ્ય લોન્ચિંગ ઇવેન્ટને કંપનીની સત્તાવાર વેબસાઇટ અને ઓફિશિયલ યુટ્યુબ ચેનલ પર નિહાળી શકશે. આ વખતે કંપનીનું મુખ્ય ધ્યાન AI એટલે કે આર્ટિફિશિયલ ઇન્ટેલિજન્સને વધુ પર્સનલ અને યુઝર ફ્રેન્ડલી બનાવવા પર છે.

Galaxy S26 Ultra: પ્રાઈવસી માટે ખાસ 'Zero-Peeking' ફીચર

આ સીરીઝના સૌથી પ્રીમિયમ મોડલ Galaxy S26 Ultra માં 'Zero-Peeking Privacy' નામનું અનોખું ફીચર આપવામાં આવ્યું છે. આ ટેકનોલોજીની મદદથી જો તમારી આસપાસની કોઈ વ્યક્તિ તમારી મોબાઈલ સ્ક્રીન પર નજર નાખશે, તો તેને કંઈ જ દેખાશે નહીં. આ ઉપરાંત, આ ફોનમાં Bixby અને Gemini ની સાથે હવે Perplexity AI નું ઇન્ટિગ્રેશન પણ જોવા મળશે, જે "Hey Plex" કમાન્ડ દ્વારા ઓપરેટ કરી શકાશે.

કેમેરા અને પ્રોસેસરની તાકાત : 

કેમેરા સેટઅપ: S26 અલ્ટ્રામાં 200MP નો પ્રાઇમરી કેમેરો, 50MP ટેલિફોટો લેન્સ અને 50MP અલ્ટ્રા-વાઇડ એંગલ લેન્સ સાથે ક્વાડ-કેમેરા સેટઅપ મળશે. સેલ્ફી માટે 12MP કેમેરો આપવામાં આવશે.

પ્રોસેસર: આ સીરીઝમાં લેટેસ્ટ Snapdragon 8 Elite Gen5 અથવા Exynos 2600 પ્રોસેસરનો ઉપયોગ કરવામાં આવશે, જે ફોનને સુપર ફાસ્ટ સ્પીડ આપશે.

ડિસ્પ્લે: Galaxy S26 માં 6.3-ઇંચ અને S26+ માં 6.7-ઇંચની AMOLED ડિસ્પ્લે જોવા મળશે.

નવું સોફ્ટવેર One UI 8.5 : 

આ ઇવેન્ટમાં સેમસંગ તેનું નવું સોફ્ટવેર ઇન્ટરફેસ One UI 8.5 પણ રજૂ કરશે. આ અપડેટમાં ડાર્ક થીમ, વધુ એડવાન્સ લોકસ્ક્રીન વિજેટ્સ અને એપલ જેવી નોટિફિકેશન સમરીની સુવિધા મળશે. બેટરીની વાત કરીએ તો, સ્ટાન્ડર્ડ મોડલમાં 4,300mAh બેટરી અને 45W ફાસ્ટ ચાર્જિંગનો સપોર્ટ મળવાની શક્યતા છે.

શું સ્માર્ટ AI ગ્લાસિસ પણ આવશે ?

સ્માર્ટફોન ઉપરાંત સેમસંગ Galaxy Buds 4 અને Buds 4 Pro પણ લોન્ચ કરી શકે છે. સૌથી વધુ ચર્ચા સ્માર્ટ એઆઈ ગ્લાસિસના ટીઝરની છે. મેટા અને એપલ સામે સ્પર્ધા કરવા માટે સેમસંગ Gentle Monster અને Warby Parker સાથે મળીને વ્યુએબલ ટેકનોલોજીમાં નવું કદમ મૂકી શકે છે.