ટેક જગતના દિગ્ગજ એલોન મસ્કની આર્ટિફિશિયલ ઇન્ટેલિજન્સ (AI) કંપની xAIએ આખરે પોતાનો ઓનલાઈન જ્ઞાનકોષ 'ગ્રોકિપીડિયા' લોન્ચ કર્યો છે. મસ્કે દાવો કર્યો છે કે આ 'ઓપન સોર્સ નોલેજ રિપોઝિટરી' માહિતીના ક્ષેત્રમાં વિકિપીડિયા કરતાં પણ શ્રેષ્ઠ સાબિત થશે.
મુખ્ય ઉદ્દેશ શું?
એલોન મસ્કે વર્ષોથી વિકિપીડિયાની ટીકા કરી છે. તેમનો આક્ષેપ છે કે આ પ્લેટફોર્મ "far-left activists દ્વારા નિયંત્રિત" છે અને તે "વૉક માઇન્ડ વાયરસ" ફેલાવી રહ્યું છે. આ પક્ષપાતનો સામનો કરવા માટે, મસ્કે AI-સંચાલિત ગ્રોકિપીડિયા બનાવવાનો નિર્ણય લીધો.
વિકિપીડિયાના માનવ સંપાદકો દ્વારા થતા કથિત વૈચારિક પક્ષપાતથી મુક્ત રહીને "સત્ય, સંપૂર્ણ સત્ય અને માત્ર સત્ય" રજૂ કરવું, એ ગ્રોકિપીડિયાનો મુખ્ય ધ્યેય છે, જેવું મસ્કે 'X' પર જણાવ્યું છે. આ પ્લેટફોર્મ હાલમાં 8,85,000 કરતાં વધુ એન્ટ્રીઓ સાથે 'વર્ઝન 0.1' માં લાઇવ છે અને મસ્કનો દાવો છે કે 'વર્ઝન 1.0' 10 ગણું વધુ સારું હશે.
AI-ડ્રિવન પ્લેટફોર્મ&nbsp;
ગ્રોકિપીડિયાનું સંચાલન સંપૂર્ણપણે xAIના ગ્રોક AI ચેટબોટ દ્વારા થાય છે. ગ્રોક AI માહિતીની શોધ કરે છે, તેનું વિશ્લેષણ કરે છે, અને પછી અંતિમ પૃષ્ઠ બનાવે છે. આ પ્લેટફોર્મ સંપૂર્ણપણે ઓપન સોર્સ છે.
જોકે, મસ્ક માટે આ માત્ર વિકિપીડિયા સાથેની સ્પર્ધા નથી. તેમણે 'X' પર પોસ્ટ કરીને જણાવ્યું હતું કે ગ્રોકિપીડિયા "બ્રહ્માંડને સમજવાના xAI ના લક્ષ્ય તરફનું એક આવશ્યક પગલું" છે. AI દ્વારા ફેક્ટ-ચેકિંગ અને માહિતીનું વર્ગીકરણ કરવાની આ પહેલ, AI ટેક્નોલોજીના ભવિષ્ય માટે એક મોટો પડકાર અને પ્રયોગ છે. મસ્કે સ્વીકાર્યું છે કે "અમે ક્યારેય સંપૂર્ણ નહીં હોઈએ, પરંતુ અમે તેમ છતાં તે લક્ષ્ય તરફ પ્રયત્નશીલ રહીશું."
&nbsp;

એલોન મસ્કની 'ગ્રોકિપીડિયા' લોન્ચ

'ગ્રોકિપીડિયા' લોન્ચ: મસ્કનો દાવો – આ પ્લેટફોર્મ વિકિપીડિયા કરતાં 10 ગણું સારું!

October 30, 2025 | 19:50 IST