નિમાઈ પાઠશાળાએ સૂત્ર, સ્તોત્ર અને શાસ્ત્રોની એક પાઠશાળા છે. જેમાં દરેક ઊંમર વ્યક્તિ જોડાઈને જ્ઞાનમાં વધારો કરી શકે છે. ત્યારે આ પાઠશાળાના ફાઉન્ડર રેનુકા ગૌસ્વામીએ અમદાવાદમાં તેમનું એક શેશન કર્યું હતું. આ સેશનમાં રેણુકા ગોસ્વામીએ દરેકને ભક્તિની 9 માર્ગ &nbsp;વિશે જણાવ્યું હતું. ભગવાનને પ્રાપ્ત કરવા માટે 9 માર્ગ ક્યા છે? આ સિવાય આ સેશનમાં હરિનામ- સંકીર્ત પણ કરવામાં આવ્યું હતું.
<video style="display: table; margin-left: auto; margin-right: auto;" controls="controls" width="500" height="250">
<source src="https://ibp-benefits.s3.ap-south-1.amazonaws.com/prod/news/uploads/videos/1763465745297_100_MB_VIDEO.mp4.mp4" type="video/mp4"></video>
<h3>ભક્તિના 9 માર્ગ!</h3>
શ્રદ્ધા, સાધુસંગ, ભજન, અનર્થ નિવૃત્તિ , નિષ્ઠા, રુચિ, આસક્તિ, ભાવ, પ્રેમ
શ્રદ્ધા: ભક્તિનું પ્રથમ પગથિયું શ્રદ્ધા છે. જો તમને ભગવાનમાં અપાર શ્રદ્ધા હશે તો જ તમે ભક્તિની શરૂઆત કરી શકશો. કોઈ પણ સંજોગોમાં શ્રદ્ધા તૂટવી ન જોઈએ.
સાધુ સંગ: ભગવાન સાથે જોડાયેલા સાધુઓનો સંગ કરવાથી તે તમને ભગવાનની પ્રાપ્તિનો માર્ગ બતાવશે. તે તેમના અનુભવમાંથી અમુક અપરાધોમાંથી બચાવશે. તેમના આશીર્વચનોથી ભક્તિમાં વૃદ્ધિ થશે.
ભજન ક્રિયા:&nbsp;ભગવાનનું ભજન કરવું તેનાથી તેમાં કીર્તન, મંત્ર જાપ કે માળાજાપનો સમાવેશ થાય છે.
અનર્થ નિવૃત્તિ: જ્યાં સુધી વાસના, લોભ, ક્રોધ, અભિમાન, ઈર્ષ્યા અને અહંકાર જેવા અનર્થો અથવા નકારાત્મક ગુણો ચિત્તમાંથી નાશ ન પામે ત્યાં સુધી પવિત્ર નામોનો વધુમાં વધુ જાપ કરવો.
નિષ્ઠા:&nbsp;દિવ્ય યુગલ અને ગુરુઓના ચરણ કમળમાં અપાર નિષ્ઠા રાખવી. મન કે વિચાર ભલે અન્યત્ર જાય, ભક્ત તરત જ તેને ભગવાનના નામમાં પાછું લાવે છે.
રુચિ:&nbsp;પવિત્ર નામો અને કૃષ્ણના આંતરિક ગુપ્ત લીલાઓમાં પ્રચંડ આસક્તિ, રસ અને સ્વાદ.
અશક્તિ:&nbsp;આગળના બધા તબક્કામાં ભક્ત પોતાના પ્રયાસોથી આ તબક્કા સુધી પહોંચી શકે છે. પરંતુ હવેના તબક્કામાં પહોંચવા તો પ્રિયા-પ્રિયતમની અપાર કૃપા જ જોઈએ. પ્રિયા-પ્રિયતમના વૃંદાવન, પવિત્ર નામ, રૂપ, ગુણ, લીલાને હંમેશા યાદ રાખવી. તમારી આત્માને પ્રભુત્વની નિત્ય-લીલામાં રહેવાની હંમેશા તીવ્ર ઝંખના રહે છે.
ભાવ:&nbsp;ભક્ત હંમેશા લીલાના ચિંતનમાં હોય છે અથવા કૃષ્ણના લીલાઓ વિશે વિચારતો હોય છે અને આવા તબક્કામાં ભક્ત શાબ્દિક રીતે બાહ્ય વિશ્વથી વાકેફ રહેતો નથી.
પ્રેમ:&nbsp;કૃષ્ણ અને રાધારાણીના શાશ્વત સેવક અને શાશ્વત આત્મા તરીકે પોતાને સંપૂર્ણ આધ્યાત્મિક અનુભૂતિ. પ્રેમની સ્થિતિમાં, ભક્ત પોતાની સંપૂર્ણ આધ્યાત્મિક ઓળખનો અનુભવ કરે છે અને અડગ ભક્તિ પ્રાપ્ત કરે છે. આ તબક્કે, ભક્ત પોતાને શરીર તરીકે નહિ પરંતુ શાશ્વત આત્મા તરીકે ઓળખે છે. રસિક વૈષ્ણવો સંપૂર્ણપણે પ્રેમની સ્થિતિમાં હોય છે. તેથી, ફક્ત તે જ સાચા ગુરુ છે જે પ્રેમ-ભક્તિ અને વૃંદાવન પ્રેમ રસના ખજાનાને અન્ય લોકોને આપી શકે છે.
ભક્તિની આ 9 માર્ગ બાદ હરિનામ-સંકીર્તન થયું અને રેણુકા ગોસ્વામીએ બેનિફિટ ન્યૂઝ સાથે વાત કરતાં નિમાઈ પાઠશાળા વિશે જણાવ્યું.

ભગવાનને પ્રાપ્ત કરવા માટે 9 માર્ગ ક્યા છે?

November 18, 2025 | 22:36 IST