ધનુ અને મીન રાશિ માટે ખાસ ઉપાયો, આજે નવા કાર્યો ટાળો!

। શ્રી ગણેશ ઉપાસક ।
। શ્રીમદ્ ભાગવત કથાકાર ।
। શાસ્ત્રીજી કમલેશભાઈ પંડ્યા ।
M.phil B.ed. જ્યોતિષ, વાસ્તુશાસ્ત્ર
(વોટ્સએપ 9924233030)

પંચાંગ માર્ગદર્શન

વિક્રમ સંવત 2081 - શાલીવાહન શક 1946 - અનલ નામ સંવત્સર - ઉત્તરાયણ - ગ્રીષ્મ ઋતુ.

તારીખ: 12/6/2025 ગુરુવાર.
માસ: જેઠ માસ, કૃષ્ણ, વદ પક્ષ.
તિથિ: એકમ/બીજ તિથિ છે.
નક્ષત્ર: મૂળ નક્ષત્ર છે.
યોગ: શુભ/શુક્લ યોગ છે.
આજનું બાળક: આજે જન્મેલા બાળકની ધનુ રાશિ (ભ, ધ, ઢ) આવશે.

આજનો ધાર્મિક ઉત્સવ અને વ્રત

આજે ગંડ મૂળ યોગ છે / ગુરુ ગોવિંદસિંહ જયંતિ છે / જ્વાળામુખી યોગ અને ધૂમ્ર નામનો અશુભ યોગ છે, નવા કાર્ય શરૂ ન કરો, નુકસાન થઈ શકે છે.

આજનો શુભ અને અશુભ સમય માર્ગદર્શન

આજ રાહુકાલ: 02:28 p.m. થી 04:09 p.m. સુધી અશુભ સમય છે.
આજનો યમઘંટ કાલ: 06:02 a.m. થી 07:43 a.m. સુધી અશુભ સમય છે.
આજ રાહુકાલ વાસ: દક્ષિણ દિશામાં છે, આ દિશામાં બેસીને પૂજા કે માંગલિક કાર્ય ન કરો, નુકસાન થશે.
આજ દક્ષિણ દિશામાં દિશાશૂળ છે, યાત્રા, પ્રવાસ કરવા માટે અશુભ છે, દુર્ઘટના અને નુકસાન થઈ શકે છે.

આજ સૂર્યોદય: સવારે 06:02 વાગ્યે છે.
સૂર્યાસ્ત: સાંજે 07:29 વાગ્યે થશે.
આજ અભિજીત મુહૂર્ત: 12:20 p.m. થી 01:14 p.m. સુધી શુભ સમય છે.
આજ અમૃતકાલ: 03:04 p.m. થી 04:48 p.m. સુધી છે.
વિજય મુહૂર્ત: 03:00 p.m. થી 03:54 p.m. સુધી શુભ સમય છે.

આજ ધનુ રાશિ અને મીન રાશિ માટે ઉપાય
ધનુ રાશિ (ભ, ધ, ઢ) નો ઉપાય 

ધનુ રાશિ (ભ, ધ, ઢ) વાળાને અશુભ ગ્રહ દશા શાંત કરવા માટે શ્રી હનુમાનજીની પૂજા કરવી. સવારે ઉઠીને હનુમાનજીને પ્રણામ કરો અને સ્નાન કરો. સ્વચ્છ કપડાં પહેરીને મંદિરની સાફ-સફાઈ કરો અને ગંગાજળનો છંટકાવ કરો. ચોકી પર લાલ કપડું બિછાવીને હનુમાનજીની મૂર્તિ સ્થાપિત કરો. હનુમાનજીને વસ્ત્ર પહેરાવો અને રોલી, અક્ષત અને પુષ્પ અર્પણ કરો. ચમેલીના તેલનો દીવો પ્રગટાવો. હનુમાન ચાલીસા અને સુંદરકાંડનો પાઠ કરો. સંકટમોચન હનુમાનજીની આરતી કરો. બુંદીના લાડુનો ભોગ લગાવો. અંતમાં પ્રસાદનું વિતરણ કરો. "ॐ હનુમંતે નમઃ" મંત્રની 12 માળા કરો, અશુભ ગ્રહ દશા શાંત થશે. શ્રી હનુમંત પૂજા કરવાથી શારીરિક, માનસિક અને આત્મિક શાંતિ પ્રાપ્ત થાય છે.

ધનુ રાશિ (ભ, ધ, ઢ) દાન ઉપાય 

ગુરુ ગ્રહ સંબંધિત પીળું કપડું 1 મીટર, ગોળ 250 ગ્રામ, ચણા દાળ 250 ગ્રામ, નાળિયેર, પૂજાની સોપારી, મિશ્રી 100 ગ્રામ, ઘી 50 ગ્રામ, પીળા ફૂલ, પીળા ફળ, હળદર ગાંઠ 5 નંગ, ખારેક 100 ગ્રામ, બ્રાહ્મણને દાન કરો, કાર્યમાં સફળતા મળશે.

મીન રાશિ (દ, ચ, ઝ, થ) નો ઉપાય 

મીન રાશિ (દ, ચ, ઝ, થ) વાળા વ્યક્તિને અશુભ ગ્રહ દશા શાંત કરવા માટે શ્રી શંકરજીની પૂજા કરવી. ગંગાજળ, દૂધ, મધથી અભિષેક કરો, શુદ્ધ જળથી સ્નાન કરાવો. ચંદન, અક્ષત, ગુલાબ, પુષ્પ, બિલીપત્ર, ધૂપ, દીપ, ફૂલોની માળા અર્પણ કરો. દૂધની મીઠાઈ, કાજુ, બદામ, કિશમિશ અને ફળનો ભોગ લગાવો. "ॐ નમઃ શિવાય" મંત્રની 12 માળા કરો, અશુભ ગ્રહ દશા શાંત થશે. શ્રી શંકરજીની પૂજા કરવાથી શારીરિક, માનસિક અને આત્મિક શાંતિ પ્રાપ્ત થાય છે.

મીન રાશિ (દ, ચ, ઝ, થ) દાન ઉપાય 

ગુરુ ગ્રહ સંબંધિત વસ્તુઓ: પીળું કપડું 1 મીટર, ગોળ 250 ગ્રામ, ચણા દાળ 250 ગ્રામ, નાળિયેર, પૂજાની સોપારી, મિશ્રી 100 ગ્રામ, ઘી 50 ગ્રામ, પીળા ફૂલ, પીળા ફળ, હળદર ગાંઠ 5 નંગ, ખારેક 100 ગ્રામ, બ્રાહ્મણને દાન કરો, કાર્યમાં સફળતા મળશે.

। શ્રી ગણેશજી આપનું કલ્યાણ કરે ।