ગુજરાત સરકાર દ્વારા કમોસમી વરસાદના કારણે પાકને થયેલા નુકસાન માટે જાહેર કરાયેલા સહાય પેકેજ સામે શાસક પક્ષ ભાજપમાં જ ભડકો થયો છે. એક તરફ વિપક્ષ આ પેકેજને ખેડૂતોની મજાક ગણાવી રહ્યું છે, તો બીજી તરફ અમરેલી જિલ્લા ભાજપના નેતાએ વિરોધ સ્વરૂપે રાજીનામું ધરી દીધું છે.
કૃષિ મંત્રીએ જાહેરાત કરી કે કમોસમી વરસાદથી થયેલા નુકસાન માટે ₹9,815 કરોડનું પેકેજ છે અને ખેડૂતોને હેક્ટર દીઠ ₹22,000 બે હેક્ટરની મર્યાદામાં ચૂકવવામાં આવશે. જોકે, આ રકમ SDRF (રાજ્ય આપત્તિ પ્રતિભાવ ભંડોળ)ના નિયમો મુજબ જ છે. સવાલ એ છે કે જો આ નિયમ મુજબની જ સહાય છે, તો સરકાર તેને 'મોટું રાહત પેકેજ' તરીકે કેવી રીતે રજૂ કરી શકે? નિષ્ણાતોના મતે, આ પેકેજ રાહત નહીં, પરંતુ ખેડૂતોને થયેલા ભારે નુકસાન સામે નુકસાની કરતા પણ ઓછા પૈસા આપીને તેમની મજાક સમાન છે.
<h3>&nbsp;અમરેલી ભાજપમાં ખળભળાટ</h3>
સાવરકુંડલા તાલુકા ભાજપના પૂર્વ મહામંત્રી, APMCના ડાયરેક્ટર અને ખડસલી સરપંચ પ્રતિનિધિ ચેતન માલાણીએ સરકારની નીતિઓ સામે વિરોધ વ્યક્ત કરીને પક્ષના તમામ હોદ્દાઓ અને પ્રાથમિક સભ્ય પદેથી રાજીનામું આપી દીધું છે. તેમના રાજીનામાને કારણે જિલ્લા ભાજપમાં ખળભળાટ મચી ગયો છે.
માલાણીએ પોતાના રાજીનામા પત્રમાં સ્પષ્ટ જણાવ્યું છે કે તેઓ 2025ની અતિવૃષ્ટિમાં સરકારની વ્હાલા-દવલાની નીતિ અને ખેડૂતોની તબાહ થયેલી સ્થિતિને ધ્યાનમાં રાખીને જાહેર કરાયેલા સહાય પેકેજથી સખત નારાજ છે. તેમણે આ પેકેજને 'ખેડૂતોની મજાક સમાન' ગણાવ્યું હતું અને ખેડૂત પુત્ર હોવાના નાતે નૈતિકતાના ધોરણે આ નિર્ણય લીધો છે.
માલાણીએ સરકાર પર ખેડૂતો સાથે અન્યાય કરવાનો આરોપ લગાવતા કહ્યું કે:
<ul>
<li>
ખેડૂતોને કપાસ, મગફળી, ડુંગળી, સોયાબીન અને અન્ય ખેત જણસોના વાવેતર પાછળ મોટો ખર્ચ થયો છે, જેમાં મજૂરીનો ખર્ચ પણ લાગે છે.
</li>
<li>
₹9,815 કરોડનું પેકેજ નુકસાનના પ્રમાણમાં ઘણું ઓછું છે.
</li>
</ul>
તેમણે સરકારને આ મુદ્દે ફરીથી વિચારણા કરીને ખેડૂતોને પૂરતી સહાય મળે તેવી માંગ કરી છે.

ખેડૂત સહાય પેકેજ પર ભાજપમાં જ વિરોધ

₹9,815 કરોડનું પેકેજ 'નિયમ મુજબ': ખેડૂત પુત્રનો વિરોધ, સરકાર પર અન્યાયનો આરોપ

November 8, 2025 | 12:47 IST