NSE એ કરી ચોકાવનારી જાહેરાત, તમારા માટે છે ખાસ

નેશનલ સ્ટોક એક્સચેન્જ (NSE) એ નિફ્ટી બેન્ક અને નિફ્ટી મિડ સિલેક્ટના ડેરિવેટિવ્ઝ કોન્ટ્રાક્ટના લોટ સાઈઝમાં ફેરફાર કર્યો છે. NSEના ફ્યુચર્સ એન્ડ ઓપ્શન્સ (F&O) વિભાગ દ્વારા જારી કરાયેલ પરિપત્ર સેબીની માર્ગદર્શિકા અનુસાર જારી કરવામાં આવ્યો છે. નવા પરિપત્રમાં, નિફ્ટી બેન્કની હાલની લોટ સાઈઝ 30 થી વધારીને 35 કરવામાં આવી છે. તે જ સમયે, નિફ્ટી મિડ સિલેક્ટની લોટ સાઈઝ 120 થી વધારીને 140 કરવામાં આવી છે.

આ સિવાય, NSE એ અન્ય કોઈપણ ઇન્ડેક્સના ડેરિવેટિવ્ઝ કોન્ટ્રાક્ટમાં કોઈ ફેરફાર કર્યો નથી. નિફ્ટી 50 ના એફ એન્ડ ઓ કોન્ટ્રેક્ટની લોટ સાઈઝ 75 રહે છે. વધુમાં, નિફ્ટી ફાઈનાન્શિયલ સર્વિસિસની લોટ સાઈઝ 65 અને નિફ્ટી નેક્સ્ટ 50ની લોટ સાઈઝ 25 પર જાળવી રાખવામાં આવી છે. 24 એપ્રિલ, 2025, 29 મે, 2025 અને જૂન 26, 2025 ના વર્તમાન માસિક સમાપ્તિ કોન્ટ્રાક્ટમાંથી નિફ્ટી બેંક અને નિફ્ટી મિડ સિલેક્ટ ઇન્ડેક્સના ડેરિવેટિવ્ઝ કોન્ટ્રાક્ટ્સમાં કોઈ ફેરફાર થશે નહીં. તેના બદલે, તે 31 જુલાઈના રોજની માસિક સમાપ્તિથી લાગુ થશે.

અગાઉ, NSE એ 'મહિનાના છેલ્લા સોમવારે' નિફ્ટી, બેંક નિફ્ટી સહિતના તમામ સૂચકાંકોની સમાપ્તિ કરવાનો નિર્ણય લીધો હતો. NSE દ્વારા જારી કરાયેલા પરિપત્રમાં કહેવામાં આવ્યું હતું કે નિફ્ટી, બેન્ક નિફ્ટી, ફિનનિફ્ટી, નિફ્ટી મિડકેપ સિલેક્ટ અને નિફ્ટી નેક્સ્ટ 50ના F&O કોન્ટ્રાક્ટની સમાપ્તિ દર મહિનાના છેલ્લા સોમવારે થશે. પરંતુ સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા (સેબી)ના આદેશને પગલે આ પરિપત્રને હાલ પૂરતો અટકાવી દેવામાં આવ્યો છે.

સેબીના આદેશમાં કહેવામાં આવ્યું છે કે તમામ ડેરિવેટિવ્ઝ કોન્ટ્રાક્ટની એક્સપાયરી મંગળવાર અને ગુરુવારમાંથી કોઈપણ એકના દિવસે થઈ શકે છે. સેબી દ્વારા આ આદેશ એવા સમયે આપવામાં આવ્યો હતો જ્યારે એક્સ્ચેન્જો ડેરિવેટિવ્ઝ સેગમેન્ટમાં વધુ બજાર હિસ્સો મેળવવા માટે એક્સપાયરીમા ફેરફાર કરી રહ્યા હતા.