ભારત લાંબા સમયથી રાહ જોવાતી અર્નિંગ અપગ્રેડ સાયકલમાં પ્રવેશ કરી રહ્યું છે. કોર્પોરેટ પ્રદર્શનમાં સ્થિતિસ્થાપકતા, તહેવારોની મજબૂત માંગ, સરકારી નીતિઓનો ટેકો અને સુધરતા મેક્રો ઇકોનોમિક વાતાવરણને કારણે હાલ તેજી જોવા મળી રહી છે. 
સતત પાંચ ક્વાર્ટરના ડાઉનવર્ડ રિવિઝન પછી,&nbsp;Niftyના અર્નિંગ્સમાં આખરે સુધારો થયો છે. રોકાણકરીની સંપતિમાં રૂ.5 લાખ કરોડની જંગી ઉછાળો નોંધાયો છે. આ કોર્પોરેટ નફામાં વ્યાપક પુનરુત્થાનના સ્પષ્ટ સંકેતો આપે છે.
નિફ્ટીનો 12 મહિનાનો ટાર્ગેટ 29,000+
લાંબા ગાળાના કન્સોલિડેશન તબક્કામાંથી બહાર આવતા, Nifty છેલ્લા ત્રણ મહિનામાં 4 ટકા વધ્યો છે. Q2 FY26ના અપેક્ષા કરતાં વધુ સારા કોર્પોરેટ અર્નિંગ્સ, યુએસ સાથેના ટેરિફ વિવાદના નિરાકરણની આશા અને તહેવારોની સીઝન દરમિયાન સ્થાનિક વપરાશમાં વધારો આ પુનરુત્થાનને ટેકો આપી રહ્યા છે. સપ્ટેમ્બર 2025માં રજૂ કરાયેલ GST દરના તર્કસંગતકરણથી પણ વપરાશ વધ્યો છે.
કયા સેક્ટર્સમાં વધુ રોકાણ?
આ ક્વાર્ટરમાં કોર્પોરેટ અર્નિંગ્સ મજબૂત રહ્યા છે. કવરેજ હેઠળની કંપનીઓએ વેચાણમાં 8.1 ટકા, EBITDAમાં 16.3 ટકા અને PAT (નફા)માં 16.4 ટકાની વૃદ્ધિ નોંધાવી છે. હોસ્પિટલો, કેપિટલ ગુડ્સ, સિમેન્ટ, ઇલેક્ટ્રોનિક્સ મેન્યુફેક્ચરિંગ સર્વિસિસ (EMS), પોર્ટ્સ, NBFCs અને ટેલિકોમ જેવા સેક્ટર્સનું પ્રદર્શન ખાસ કરીને મજબૂત રહ્યું હતું.
મોડેલ પોર્ટફોલિયોમાં બેન્કો, હેલ્થકેર, કન્ઝ્યુમર ગુડ્સ, ઓટોમોબાઇલ્સ અને ડિફેન્સ સેક્ટર્સને 'ઓવરવેઇટ' (વધારે રોકાણ કરવા યોગ્ય) રાખવામાં આવ્યા છે, જ્યારે IT સેવાઓ, કોમોડિટીઝ અને ઓઇલ-એન્ડ-ગેસ સેક્ટર્સમાં 'અંડરવેઇટ' (ઓછું રોકાણ) જાળવી રાખવામાં આવ્યું છે.
ગ્લોબલ માર્કેટમાં આજે તેજીનો માહોલ જોવા મળ્યો છે. એશિયામાં કોરિયાનો કોસ્પી 1.62% ઉછળી 3,920 પર, જાપાનનો નિક્કેઈ 1.94% વધીને અને હોંગકોંગનો હેંગસેંગ 0.25% વધીને 25,958 પર ટ્રેડ થયો.&nbsp;અમેરિકન બજારોમાં પણ મજબૂત ક્લોઝિંગ રહ્યું, જ્યાં 25 નવેમ્બરે ડાઉ જોન્સ 1.43% ઉછળી 47,112 પર બંધ થયો, જ્યારે નાસ્ડેક 0.67% અને S&amp;P 500માં 0.91%નો વધારો નોંધાયો.

Niftyમાં મેગા બ્રેકઆઉટ

લાંબા વિરામ બાદ નિફ્ટી અર્નિંગ્સમાં ઉછાળો, કોર્પોરેટ નફામાં સુધારાથી બજાર બન્યું બુલિશ

November 26, 2025 | 14:47 IST