પ્રાઇમરી માર્કેટ આગામી સપ્તાહે (08થી 13 ડીસેમ્બર) સ્ટોકમાર્કેટમાં સૌથી વ્યસ્ત સપ્તાહોમાંનું એક બનવા જઈ રહ્યું છે. મેઇનબોર્ડ અને સ્મોલ-મીડિયમ એન્ટરપ્રાઇઝ (SME) સેગમેન્ટને આવરી લેતા કુલ 13 નવા&nbsp;IPOs સબસ્ક્રિપ્શન માટે ખુલવા જઈ રહ્યા છે. 
નિષ્ણાતોના મતે, આ સંખ્યા ભારતીય બજારમાં રોકાણની મજબૂત માંગ અને 2025ના મજબૂત IPO પાઇપલાઇનને દર્શાવે છે.
મુખ્ય મેઇનબોર્ડ IPOsમાં વેકફિટ ઇનોવેશન્સ IPO (Wakefit Innovations IPO), ICICI પ્રુડેન્શિયલ એસેટ મેનેજમેન્ટ કંપની IPO (ICICI Prudential AMC IPO) અને કોરોના રેમેડીઝ IPO (Corona Remedies IPO)નો સમાવેશ થાય છે. 
&bull; વેકફિટ ઇનોવેશન્સ IPO 8 ડિસેમ્બરથી 10 ડિસેમ્બર સુધી ખુલશે અને તેનો પ્રાઇસ બેન્ડ ₹185થી ₹195 પ્રતિ શેર નક્કી કરાયો છે.
&bull; ICICI પ્રુડેન્શિયલ AMC IPO 12 ડિસેમ્બરથી 16 ડિસેમ્બર સુધી બિડિંગ માટે ખુલશે, જોકે તેની પ્રાઇસ બેન્ડ હજુ જાહેર થવાની બાકી છે. 
આ ઉપરાંત, પાર્ક મેડી વર્લ્ડ અને નેફ્રોકેર હેલ્થ સર્વિસિસ પણ મેઇનબોર્ડ પર આવી રહ્યા છે.
SEBI-રજિસ્ટર્ડ ઇક્વિટી એનાલિસ્ટના જણાવ્યા મુજબ, &ldquo;2025માં અત્યાર સુધીમાં લિસ્ટેડ IPOs દ્વારા આશરે ₹85,000&nbsp;કરોડ એકત્ર કરવામાં આવ્યા છે, જે ભારતને વૈશ્વિક સ્તરે ચોથું સૌથી મોટું IPO ફંડ રેઇઝિંગ માર્કેટ બનાવે છે.&rdquo;
SME સેગમેન્ટમાં પણ સારો એવો ધમધમાટ જોવા મળી રહ્યો છે. રિદ્ધિ ડિસ્પ્લે ઇક્વિપમેન્ટ્સ, પ્રોડોક્સ સોલ્યુશન્સ અને કે.વી. ટોય્ઝ ઇન્ડિયા જેવી કંપનીઓના IPOs 8થી 10 ડિસેમ્બર સુધી ખુલ્લા રહેશે. ત્યારબાદ શિપવેવ્સ ઓનલાઇન અને યુનિસેમ એગ્રીટેક 10થી 12 ડિસેમ્બર દરમિયાન ખુલશે. HRS એલ્યુગ્લોઝ અને પાજસન એગ્રો ઇન્ડિયા 11થી 15 ડિસેમ્બર સુધી સબસ્ક્રિપ્શન માટે ઉપલબ્ધ રહેશે, જ્યારે અશ્વિની કન્ટેનર મૂવર્સ IPO 12 ડિસેમ્બરથી 16 ડિસેમ્બર સુધી ખુલ્લો રહેશે.
ફક્ત નવા IPOs જ નહીં, પણ રોકાણકારો આ સપ્તાહે કેટલાક મોટા લિસ્ટિંગના પણ સાક્ષી બનશે. મેઇનબોર્ડ સેગમેન્ટમાંથી Meesho IPO, Aequs IPO અને વિદ્યા વાયર્સ IPOનું લિસ્ટિંગ થવાની સંભાવના છે. 
આ ઉપરાંત,&nbsp;SME સેગમેન્ટમાંથી પણ આશરે 13 કંપનીઓ શેરબજારમાં પ્રવેશ કરશે, જેમાં 8 ડિસેમ્બરે એસ્ટ્રોન મલ્ટિગ્રેઇન, ઇન્વિક્ટા ડાયગ્નોસ્ટિક, સ્પેબ એડહેસિવ્સ, ક્લિયર સિક્યોર્ડ સર્વિસિસ અને રાવેલકેરનું માર્કેટ ડેબ્યુ નક્કી છે.

આગામી સપ્તાહે 13 નવા IPO ખુલશે

કમાણીનો મોકો! Meesho અને Aequsનું લિસ્ટિંગ- ICICI પ્રુડેન્શિયલ અને વેકફિટના IPO વિશે જાણો.

December 7, 2025 | 22:45 IST