ભારતીય કોમોડિટી બજાર (MCX)માં આજે ચાંદીએ રોકાણકારોને 'રોલર-કોસ્ટર રાઈડ' કરાવી છે. આજ, 29 ડિસેમ્બર 2025ના રોજ ચાંદીના ભાવમાં જે પ્રકારની ઉથલપાથલ જોવા મળી, તેવી ભાગ્યે જ ઇતિહાસમાં નોંધાઈ હશે. સવારના સત્રમાં આસમાને પહોંચેલી ચાંદી માત્ર ગણતરીના કલાકોમાં જ જમીન પર પટકાતા બજારમાં સોપો પડી ગયો હતો.
ચાંદીમાં સવારની તેજીએ નવો ઈતિહાસ રચ્યો. વૈશ્વિક બજારમાં નબળા ડોલર અને ઉદ્યોગોમાં વધતી માંગને કારણે સવારે MCX પર ચાંદીના માર્ચ વાયદામાં તેજીનું વાવાઝોડું જોવા મળ્યું હતું. ભાવ સવારે સીધો વધીને ₹2,54,174 પ્રતિ કિલોની ઐતિહાસિક સપાટીએ પહોંચી ગયો હતો. 
આંતરરાષ્ટ્રીય સ્તરે પણ સ્પોટ સિલ્વર 83 ડોલર પ્રતિ ઔંસની નજીક ટ્રેડ કરી રહ્યું હતું. રોકાણકારોમાં ભારે ઉત્સાહ હતો, પરંતુ આ ખુશી લાંબો સમય ટકી શકી નહીં.
બપોરનો કડાકો
₹21,000નું ધોવાણ સવારની રેકોર્ડ હાઈ બાદ બપોરે બજારે યુ-ટર્ન લીધો હતો. MCX પર ચાંદી ઊંચા મથાળેથી અચાનક 8% એટલે કે ₹21,000 પ્રતિ કિલો તૂટીને ₹2,32,663ના નીચલા સ્તરે પહોંચી ગઈ હતી. વૈશ્વિક બજારમાં કોમેક્સ (COMEX) પર ચાંદીમાં 11% જેટલો તોતિંગ કડાકો જોવા મળ્યો હતો. ભારે પ્રોફિટ બુકિંગને કારણે બજારે તમામ વધારો ગુમાવી દીધો હતો.
કડાકા પાછળના મુખ્ય કારણો
બજારના નિષ્ણાતોના મતે આ કડાકા પાછળ ત્રણ મુખ્ય પરિબળો જવાબદાર છે.&nbsp;
1) આંતરરાષ્ટ્રીય સ્તરે CME ગ્રુપે ચાંદીના વાયદા માટે 'માર્જિન રિક્વાયરમેન્ટ'માં વધારો કર્યો, જેના કારણે રોકાણકારોએ ફરજિયાત વેચાણ કરવું પડ્યું,
2) ભૌગોલિક રાજકીય તણાવમાં ઘટાડો થતા સુરક્ષિત રોકાણ તરીકે ચાંદીની માંગ ઘટી,
3) ટેકનિકલ ચાર્ટ પર ચાંદી 'ઓવરબોટ' ઝોનમાં હોવાથી મોટા પાયે પ્રોફિટ બુકિંગ આવ્યું.
આ વોલેટિલિટીની અસર હાજર બજારમાં પણ જોવા મળી હતી. કોચી જેવા શહેરોમાં રિટેલ ચાંદીનો ભાવ ઘટીને&nbsp;₹258 પ્રતિ ગ્રામ (₹2,58,000 પ્રતિ કિલો) ની આસપાસ પહોંચ્યો હતો. વિશ્લેષકોના મતે હવે ચાંદીમાં ₹2,35,000 થી ₹2,40,000 આસપાસ સપોર્ટ જોવા મળી શકે છે, જ્યારે ઉપરની તરફ ફરીથી ₹2,50,000 અવરોધ બની શકે છે.
&nbsp;

ચાંદીમાં એક જ દિવસમાં તોતિંગ ઘટાડો

રોકાણકારોના શ્વાસ અધ્ધર; રેકોર્ડ હાઈ બાદ ચાંદીમાં 8%નો મોટો કડાકો, જાણો શું છે કારણ.

December 29, 2025 | 22:27 IST