આજના આધુનિક યુગમાં મોંઘા સ્માર્ટફોન રાખવાનો શોખ ઘણા લોકોને હોય છે. લોકો લેટેસ્ટ iPhone 17 Pro Max કે પછી Samsung Galaxy Fold જેવા ફોન ખરીદીને પોતાનો સ્ટેટસ સિમ્બોલ દર્શાવે છે. પરંતુ શું તમે ક્યારેય કલ્પના કરી શકો છો કે દુનિયામાં એક એવો પણ સ્માર્ટફોન અસ્તિત્વ ધરાવે છે, જેની કિંમતમાં 3 પ્રાઈવેટ જેટ ખરીદી શકાય? જી હા, આ કોઈ કાલ્પનિક વાત નથી, પરંતુ હકીકત છે. આ એવો ફોન છે જે ટેક્નોલોજી માટે નહીં, પરંતુ તેની કિંમત અને બનાવટ માટે જાણીતો છે.
<img style="display: block; margin-left: auto; margin-right: auto;" src="https://jbs.aero/wp-content/uploads/2022/11/JBS-Private-Jets-v1.0.png" alt="The 3 Different Types of Private Jets | JBS" width="500">
આજે અમે જે સ્માર્ટફોન વિશે વાત કરી રહ્યા છીએ તેનું નામ Falcon Supernova iPhone 6 Pink Diamond Edition છે. આ ફોનની કિંમત જાણીને કોઈને પણ આંચકો લાગી શકે છે. તેની કિંમત 48.5 મિલિયન અમેરિકી ડોલર એટલે કે લગભગ 430 કરોડ રૂપિયા છે. આ કિંમતને સામાન્ય રીતે સમજવા માટે એક સરળ ઉદાહરણ છે: એક પ્રાઈવેટ જેટની કિંમત લગભગ 100 થી 140 કરોડ રૂપિયા હોય છે. આ હિસાબે, આ એક જ ફોનની કિંમતમાં 3 જેટ ખરીદી શકાય છે. આ ફોન એટલો મોંઘો છે કે તે માત્ર વિશ્વના સૌથી અમીર લોકો માટે જ બનાવાયો છે.
<img style="display: block; margin-left: auto; margin-right: auto;" src="https://static.gujaratsamachar.com/content_image/content_image_df97ebcb-e436-4f13-9fc9-71c5aa19de32.jpeg" alt="એક મોબાઈલની કિંમત એટલી કે 3 પ્રાઈવેટ જેટ ખરીદી લેવાય, ખાસિયત જાણી માથું ચકરાઈ જશે 2 - image" width="500">
આ ફોનની આટલી ઊંચી કિંમત પાછળનું મુખ્ય કારણ તેના હાર્ડવેર કે ટેક્નોલોજી નહીં, પરંતુ તેમાં વપરાયેલા કિંમતી ધાતુઓ અને રત્નો છે. આ ફોનને તૈયાર કરવામાં 24 કેરેટ સોનાનો ઉપયોગ થયો છે અને તેની પાછળ એક મોટો અને દુર્લભ પિંક ડાયમંડ લગાવવામાં આવ્યો છે. વર્ચુ પોર્ટલના જણાવ્યા અનુસાર, આ ફોન બનાવવા માટે 10 અઠવાડિયાનો સમય લાગ્યો હતો અને તેમાં દરેક ડાયમંડ અને સોનાને એક-એક કરીને હાથથી લગાવવામાં આવ્યું હતું. આ ફોન માત્ર એક ઉપકરણ નથી, પરંતુ કલાનો એક અદ્ભુત નમૂનો છે.
<img style="display: block; margin-left: auto; margin-right: auto;" src="https://www.deccanchronicle.com/h-upload/2025/01/10/1880313-17.webp" alt="iPhone 17 Pro, 17 Pro Max Rumoured To Feature Three 48MP Cameras" width="500">
જોકે, જ્યારે તેના સ્પેસિફિકેશનની વાત આવે છે, ત્યારે તેની કિંમત અને તેની વચ્ચેનો તફાવત ચોંકાવી દે તેવો છે. આ ફોન હકીકતમાં એક જૂનો iPhone 6 છે. તેમાં 4.7 ઇંચની રેટિના HD ડિસ્પ્લે, Apple A8 ચિપસેટ, અને 128GB સુધીનું ઇન્ટરનલ સ્ટોરેજ મળે છે. તેમાં પાછળનો કેમેરા 8-મેગાપિક્સલનો અને ફ્રન્ટ કેમેરા માત્ર 1.2-મેગાપિક્સલનો છે. આજના જમાનામાં આ સ્પેક્સ કોઈ સામાન્ય ફોનમાં પણ જોવા મળતા નથી. આના પરથી સ્પષ્ટ થાય છે કે આ ફોન કોઈ ટેકનોલોજીના શોખીન માટે નહીં, પરંતુ સંપત્તિ અને સ્ટેટસનું પ્રદર્શન કરવા માટે બનાવાયો છે.

એક ફોનની કિંમત જાણી તમે ચોકી જશો

430 કરોડના આ ફોનમાં 24 કેરેટ સોનું અને પિંક ડાયમંડ લાગેલા છે

September 24, 2025 | 23:11 IST