ચોમાસામાં રેકમાંથી વાસ આવે છે? જાણો કારણો અને ઉપાય

ચોમાસાની ઋતુમાં ભેજના કારણે ઘરની અંદર અનેક સમસ્યાઓ ઉત્પન્ન થાય છે. તેમાં સૌથી સામાન્ય સમસ્યા જૂતા-ચપ્પલ મૂકવાના રેકમાંથી વાસ આવવી હોય છે. ખાસ કરીને લાકડાના રેક, વોર્ડરોબ અને કપડાના કબાટોમાંથી ભેજવાળી ગંધ આવતી હોય છે જે આખા ઘરમાં ફેલાઈ જાય છે.

રેકમાંથી વાસ આવવાના મુખ્ય કારણો

ભેજના સ્તરમાં વધારો: ચોમાસામાં હવામાં ભેજ વધારે હોય છે અને ઘરની અંદરના દરવાજા બંધ રાખવામાં આવે છે. જેના કારણે ઘરમાં હવા આવતી નથી અને રેકમાં ભેજ સપાટી પર થવા લાગે છે.

સ્વચ્છતામાં ઊણપ: લાંબા સમયથી રેકની અંદર સફાઈ ન કરવામાં આવે તો ધૂળ, ફૂગ અને બેક્ટેરિયાનો વિકાસ થાય છે જે દુર્ગંધને પેદા કરે છે.

વૅન્ટિલેશનનો અભાવ: જો રેક અથવા કબાટમાં હવા આવતી-જતી ન હોય એવા ખૂણા હોય તો તે વધારે ભેજ પેદા કરે છે.

ભીના કપડાની વાસ: ભીના અથવા અડધા જ સૂકાયેલા કપડા રેકમાં રાખવાથી પણ વાસ આવે છે.

ચોમાસામાં રેકની વાસ અટકાવવાના ઉપાય

નિયમિત સફાઈ કરવી: દરેક રેકની અંદાજ દર 15 દિવસે સૂકા કપડાંથી સફાઈ કરવી અને ખાસ કરીને ખૂણાઓમાં એક ટીપું ફિનાઈલ કે ડેટોલનું નાખી દેવું.

કપૂર અથવા બેકિંગ સોડા: રેકની અંદર કપૂર અથવા બેકિંગ સોડાની ગોળી મૂકવાથી ભેજ શોષાય છે અને વાસ પણ ઓછી થાય છે.

એન્ટી મોઈશ્ચર પેકેટ: માર્કેટમાં મળતા ‘એન્ટી મોઇશ્ચર પેકેટ’ પણ રેકની અંદર મૂકવાથી ખૂબ જ અસરકારક ઠરે છે.

ડિહ્યુમિડિફાયર કે એર પ્યુરિફાયર: ખાસ કરીને એર ટાઈટ ઘરોમાં ડિહ્યુમિડિફાયર વાપરવાથી રેક તેમજ ઘરની અન્ય જગ્યાએેથી ભેજ દૂર થઈ જાય છે.

હલકાં ખુલ્લાં રેક પસંદ કરો: જો ઘરમાં ચોમાસામાં હંમેશા ભેજ રહેતો હોય તો આવી સિઝનમાં વેન્ટિલેશનવાળા ખૂણા માટે ખુલ્લા રેક ઉપયોગમાં લો.

સંતરાની સૂકાયેલા છાલ: જ્યારે સંતરા અને લીંબુ જેવા ખાટા ફળો સસ્તા હોય, ત્યારે તેમના છાલને ફેંકવાની જગ્યાએ તડકામાં સુકવીને સ્ટોર કરો. શૂ રેકમાં આ છાલ રાખવાથી દુર્ગંધની સમસ્યા દૂર થઈ શકે છે. આ છાલમાં એક પ્રાકૃતિક સુગંધ હોય છે, જે દુર્ગંધને શોષી લે છે.    

 

રેકની વાસના અન્ય પડકાર

ભવિષ્યમાં જો વાસને અવગણવામાં આવે તો તે ફૂગનું સ્વરૂપ લઈ શકે છે અને તેમાં રાખેલા કપડાંને પણ નુકસાન પહોંચાડી શકે છે. તે સિવાય સ્વાસ્થ્યને પણ અસર થાય છે, શ્વાસની તકલીફ, એલર્જી, કે દુર્ગંધના કારણે માથું દુ:ખવાનું શરૂ થઈ શકે છે.