ટેક જગતની દિગ્ગજ કંપની એપલે વર્ષ 2026ની તેની પ્રથમ ઈવેન્ટ 'સ્પેશિયલ એપલ એક્સપિરિયન્સ'ની જાહેરાત કરી છે. આગામી ૪ માર્ચે ભારતીય સમય અનુસાર રાત્રે 7:30 વાગ્યે આ ઇવેન્ટ યોજાશે.&nbsp;
આ વખતે ઇવેન્ટમાં ક્યુપર્ટિનોના બદલે ન્યૂયોર્ક, લંડન અને શાંઘાઈ જેવા શહેરોમાં મીડિયા સત્રોનું આયોજન કરવામાં આવ્યું છે, જે સૂચવે છે કે કંપની આ વખતે કંઈક 'અલગ' અને 'ઇન્ટરેક્ટિવ' રજૂ કરવા જઈ રહી છે.
આઇફોન 17e પર સૌની નજર
આ ઇવેન્ટનું મુખ્ય આકર્ષણ આઇફોન ૧૭e હોવાનું મનાય છે. આ મોડલ આઇફોન ૧૬e નું સ્થાન લેશે. રિપોર્ટ્સ મુજબ, આ ફોનમાં લેટેસ્ટ A19 ચિપસેટ અને મેગસેફ (MagSafe) સપોર્ટ જોવા મળી શકે છે. જોકે, તેની ડિઝાઇનમાં કોઈ મોટો ફેરફાર નહીં હોય, પરંતુ આઇફોન પ્રેમીઓ માટે આ એક બજેટ-ફ્રેન્ડલી વિકલ્પ સાબિત થશે.
સૌથી સસ્તું મેકબૂક
વિદ્યાર્થીઓ અને શૈક્ષણિક હેતુ માટે એપલ આ વખતે પહેલીવાર આશરે ૬૦૦ થી ૭૦૦ ડોલર (અંદાજે ₹૫૪,૦૦૦ થી ₹૬૦,૦૦૦) ની કિંમતનું સસ્તું મેકબૂક લોન્ચ કરી શકે છે. ઇન્વાઇટના કલરફુલ લોગો પરથી અંદાજ લગાવાઈ રહ્યો છે કે આ નવું લેપટોપ વાદળી, લીલો અને પીળા જેવા આકર્ષક રંગોમાં આવશે. આ મેકબૂકમાં M-સિરીઝના બદલે આઇફોન જેવી A-સિરીઝની ચિપનો ઉપયોગ થઈ શકે છે.
અન્ય કયા લોન્ચિંગ થઈ શકે?
M5 MacBook Pro: નવા ૧૪-ઇંચ અને ૧૬-ઇંચના મેકબૂક પ્રો મોડલ્સ M5 Pro અને M5 Max ચિપ સાથે જોવા મળશે.
M5 MacBook Air: મેકબૂક એરનું પણ અપડેટ વર્ઝન લોન્ચ થવાની આશા છે.
નવા iPads: 12મી સિરીઝ બેઝ આઇપેડ અને M4 ચિપસેટ વાળું નવું આઇપેડ એર (iPad Air 8th Gen) પણ લોન્ચ થઈ શકે છે.
એપલની આ ઇવેન્ટ સેમસંગની આગામી 'ગેલેક્સી અનપેક્ડ' ઇવેન્ટના થોડા દિવસો બાદ જ યોજાઈ રહી છે, જેનાથી ટેક માર્કેટમાં સ્પર્ધા વધુ તેજ બનશે.
ખાસ કરીને ભારત જેવા બજાર માટે, જ્યાં કિંમત એક મહત્વનું પરિબળ છે, ત્યાં સસ્તું આઇફોન અને મેકબૂક ગેમ-ચેન્જર સાબિત થઈ શકે છે.
&nbsp;
&nbsp;

Appleની મોટી જાહેરાત

વર્ષ 2026ની પહેલી ઇવેન્ટ; સસ્તું મેકબૂક અને M5 ચિપસેટ વાળા લેપટોપ આકર્ષણ

February 18, 2026 | 12:22 IST