26/11ના મુંબઈ હુમલાના ગુનેગાર અબ્દુલ રહેમાન મક્કીનું મોત

26/11ના મુંબઈ હુમલાના ગુનેગાર અને આતંકવાદી સંગઠન લશ્કર-એ-તૈયબાના નાયબ વડા અબ્દુલ રહેમાન મક્કીનું મોત થયું છે.હાર્ટ એટેકના કારણે તેનું મૃત્યુ થયું હતું. મક્કી, જે હાફિઝ સઈદનો સંબંધી અને સંગઠનના ટેરર ​​ફંડિંગનો વડા હતો. તેને અમેરિકા અને સંયુક્ત રાષ્ટ્ર દ્વારા વૈશ્વિક આતંકવાદી જાહેર કરવામાં આવ્યો હતો.

મક્કી વૈશ્વિક આતંકવાદીની યાદીમાં સામેલ હતો. સંયુક્ત રાષ્ટ્ર સુરક્ષા પરિષદ (UNSC) એ મક્કીને 1267 ISIL (Da'esh) અને અલ-કાયદા પ્રતિબંધ સમિતિ હેઠળ સૂચિબદ્ધ કર્યા હતા. આ સાથે તેની સંપત્તિઓ ફ્રીઝ કરવામાં આવી હતી, મુસાફરી પર પ્રતિબંધ અને હથિયાર રાખવા પર પ્રતિબંધ હતો.

અબ્દુલ રહેમાન મક્કીએ લશ્કર-એ-તૈયબાની રાજકીય પાંખનું નેતૃત્વ કર્યું હતું. આ સિવાય તે જમાત-ઉદ-દાવાનો વડો પણ હતો. તે લશ્કરના વિદેશી સંબંધો વિભાગનો વડો પણ હતો. ભારતમાં મોટા આતંકવાદી હુમલામાં તેની સીધી ભૂમિકા હોવાનું માનવામાં આવતું હતું.