યુટ્યુબર અનુરાગ ડોભાલનો લાઈવ આત્મહત્યાનો પ્રયાસ!

ભારતના જાણીતા મોટોવ્લોગર અને 'બિગ બોસ 17'ના સ્પર્ધક રહી ચૂકેલા અનુરાગ ડોભાલ, જે સોશિયલ મીડિયા પર 'UK07 Rider' તરીકે ઓળખાય છે, તેણે શનિવારે રાત્રે એક ભયાનક અકસ્માત સર્જીને આત્મહત્યાનો પ્રયાસ કર્યો છે.

દિલ્હી-મેરઠ એક્સપ્રેસ વે પર પોતાની ફોર્ચ્યુનર કારને 150 કિમીથી વધુની ઝડપે દોડાવી રહેલા અનુરાગે ચાલુ ઇન્સ્ટાગ્રામ લાઈવમાં ગાડીને ડિવાઈડર સાથે અથડાવી દીધી હતી. હાલમાં તેની હાલત ગંભીર છે અને તે મેરઠની હોસ્પિટલમાં સારવાર હેઠળ છે.

લાઈવ સ્ટ્રીમ દરમિયાન ઘટના

અકસ્માત પહેલા અનુરાગ ઇન્સ્ટાગ્રામ પર લાઈવ હતો, જેને અંદાજે 82,000 લોકો જોઈ રહ્યા હતા. લાઈવ વીડિયોમાં અનુરાગ રડતા રડતા પોતાની માતાને સંબોધીને કહી રહ્યો હતો કે, "મમ્મી, જો હું આવતા જન્મે આવું તો બસ મને પ્રેમ આપજે. મને પ્રેમની બહુ જરૂર હતી." ભાવુક થયેલા અનુરાગે આગળ કહ્યું કે તેની પાસે હવે કોઈ નથી રહ્યું જેને તે ફોન કરી શકે.

વીડિયોમાં સ્પીડોમીટર 150 KM/H થી ઉપર દેખાઈ રહ્યું હતું. અંતે "Let's go for the final drive" અને "Goodbye" કહીને તેણે સ્ટીયરીંગ ફેરવી દીધું અને જોરદાર ધડાકા સાથે લાઈવ બંધ થઈ ગયું.

SHOCKER 🚨 Anurag Dobhal aka UK07 rider allegedly tried to take his own life during an Instagram Live by overspeeding his Toyota Fortuner and driving it off a flyover 😳

He survived the crash and is safe.

He should immediately consult a doctor. pic.twitter.com/7ydGDNg6ig

— News Algebra (@NewsAlgebraIND) March 7, 2026

પરિવાર પર ગંભીર આક્ષેપો

અકસ્માતના થોડા દિવસો પહેલા જ અનુરાગે 'The Last Message' નામનો એક વીડિયો પોસ્ટ કર્યો હતો. જેમાં તેણે આક્ષેપ કર્યો હતો કે અન્ય જ્ઞાતિની યુવતી રીતિકા સાથે લગ્ન કરવા બદલ તેનો પરિવાર તેને માનસિક ત્રાસ આપી રહ્યો છે.

અનુરાગના જણાવ્યા મુજબ, તેના માતા-પિતાએ રીતિકાનો સ્વીકાર કર્યો નહોતો અને તેને સંબંધીઓ સામે માફી માંગવા મજબૂર કર્યો હતો.  આ સતત થતા હુમલાઓ અને ટોણાથી કંટાળીને રીતિકા પણ તેને છોડીને જતી રહી હતી, જેના કારણે અનુરાગ ભારે ડિપ્રેશનમાં હતો.

રાત્રિના સમયે એક્સપ્રેસ વે પરથી પસાર થતા લોકોએ અકસ્માત જોતા તરત જ પોલીસને જાણ કરી હતી. મસુરી પોલીસની ટીમે તાત્કાલિક ઘટનાસ્થળે પહોંચી અનુરાગને ગાડીમાંથી બહાર કાઢ્યો અને મેરઠની સુભારતી હોસ્પિટલમાં ખસેડ્યો હતો. ડોક્ટરોના જણાવ્યા અનુસાર, ગંભીર ઈજાઓને કારણે તેની સ્થિતિ અત્યંત નાજુક છે.

સોશિયલ મીડિયા પર લાખો ફોલોઅર્સ ધરાવતા અને લક્ઝરી કાર-બાઈક્સના શોખીન અનુરાગનું આ પગલું તેના ચાહકો માટે આઘાતજનક છે. પોલીસ હવે આ મામલે કાયદેસરની તપાસ કરી રહી છે કે શું આ ખરેખર આત્મહત્યાનો પ્રયાસ હતો કે તેજ રફ્તારને કારણે થયેલો અકસ્માત?