વડાપ્રધાન મોદીના 11 વર્ષમાં નારી શક્તિની નોંધપાત્ર સફળતા, X પર કરી પોસ્ટ

વડાપ્રધાન નરેન્દ્ર મોદીના નેતૃત્વ હેઠળ કેન્દ્ર સરકારે 11 વર્ષ પૂર્ણ કર્યા છે. આ સમયગાળા દરમિયાન મહિલાઓના અપલિફ્ટ માટે અનેક જન કલ્યાણકારી યોજનાઓ શરૂ કરવામાં આવી, જેના કારણે લાખો મહિલાઓના જીવનમાં પોઝિટિવ પરિવર્તન આવ્યું છે. આ યોજનાઓ મહિલાઓના આત્મવિશ્વાસમાં વધારો કરી, તેમને આત્મનિર્ભર બનાવવામાં સહાયરૂપ બની છે.

મહિલાઓની સિદ્ધિઓ અને વિકાસને ઉજવવા માટે PM મોદીએ સોશિયલ મીડિયા પ્લેટફોર્મ ‘X’ (પૂર્વે ટ્વીટર) પર 51 સેકન્ડનો વીડિયો શેર કર્યો છે. આ વીડિયોમાં PM મોદીએ જણાવ્યું કે, "છેલ્લા 11 વર્ષમાં આપણી નારી શક્તિની સફળતા દેશ માટે ગર્વની બાબત છે."

વીડિયોમાં ઉલ્લેખ કરવામાં આવ્યો છે કે, ઉજ્જવલા યોજના હેઠળ લાખો મહિલાઓને મફત LPG કનેકશન મળ્યા છે, જેના કારણે તેમના જીવનશૈલીમાં બદલાવ આવ્યો છે. તે ઉપરાંત 'બેટી બચાઓ બેટી પઢાઓ' અભિયાને છોકરીઓના શિક્ષણ અને લિંગ સમાનતા માટે નવો માર્ગ ખોલ્યો છે. આ તમામ પહેલો મહિલાઓના સર્વાંગી વિકાસ માટે મુખ્ય ભૂમિકા ભજવી રહી છે.