સાયબર ચોરીના ભોગ બની રહ્યા છે વોટ્સએપ યુઝર્સ

ડિજિટાઈઝેશનના યુગમાં સાયબર ફ્રોડના કેસો પણ સતત વધી રહ્યા છે. ભારતના રોજના સાયબર ફ્રોડનો આંકડો અંદાજે રૂ. 60 કરોડનો છે. વર્ષ 2024માં, ભારત સહિત વિશ્વભરમાં લગભગ 85 લાખ કરોડ રૂપિયાના સાયબર ફ્રોડ નોંધાયા છે. કેન્દ્રિય ગૃહ મંત્રાલયે જણાવ્યુ છે કે, વોટ્સએપ બાદ ટેલિગ્રામ અને ઈન્સ્ટાગ્રામ પર પણ મોટા પ્રમાણમાં ફ્રોડ થયા છે. આ ત્રણ એપ્લિકેશનોમાં કરોડો યુઝર્સ હોવાથી સાયબર ગુનેગારો સરળતાથી લોકોને છેતરતા છે.

વોટ્સએપ પર સૌથી વધુ સાયબર ફ્રોડ

2024ના પહેલા ત્રણ મહિનામાં, વોટ્સએપ દ્વારા સૌથી વધુ 43,797 સાયબર ફ્રોડના કેસ નોંધાયા છે. ટેલિગ્રામ દ્વારા 22,680 અને ઈન્સ્ટાગ્રામ દ્વારા 19,800 ફરિયાદો નોંધાઈ હતી. સાયબર ગુનેગારો ગુગલ સર્વિસ પ્લેટફોર્મની મદદથી લોકોનો શિકાર બનાવે છે. આ સ્કેમોને 'પીગ બ્યુચરિંગ સ્કેમ' અથવા 'ઇન્વેસ્ટમેન્ટ સ્કેમ' તરીકે ઓળખવામાં આવે છે.

મની લોન્ડરિંગના કિસ્સા વધ્યા

સોશિયલ મીડિયા દ્વારા મની લોન્ડરિંગ અને સાયબર સ્લેવરીના કિસ્સાઓ વધ્યાં છે. બેરોજગાર યુવાનો, ગૃહિણીઓ, વિદ્યાર્થીઓ અને જરૂરિયાતમંદોને ટાર્ગેટ કરવામાં આવે છે. સાયબર ગુનેગારો દેશમાં ગેરકાયદે લોન આપનારી એપ્સ લોન્ચ કરવા માટે સ્પોન્સર્ડ ફેસબુક એડ્સનો ઉપયોગ કરે છે.

ઓનલાઈન પેમેન્ટનો ચલણ વધ્યો

દુનિયાભરમા ઓનલાઈન બેન્કિંગનો ટ્રેન્ડ ઝડપથી વધ્યો છે, અને ભારતમા પણ કોરોના મહામારી પછી ઓનલાઈન પેમેન્ટમાં વધારો થયો છે. છેલ્લા ત્રણ વર્ષમાં, હજારો લોકોએ UPI પેમેન્ટ, કાર્ડ પેમેન્ટ અને મોબાઇલ બેન્કિંગ દ્વારા તેમના નાણાકીય વ્યવહારો કર્યા છે. ઓનલાઈન બેન્કિંગની સાથે સાથે, ઓનલાઈન છેતરપિંડીના કિસ્સાઓ પણ ઝડપથી વધી રહ્યા છે. દર વર્ષે લાખો લોકો આ પ્રકારની છેતરપિંડીનો શિકાર બની રહ્યા છે. આવી સ્થિતિમાં, ઓનલાઈન છેતરપિંડીથી બચાવ એ અત્યંત મહત્વપૂર્ણ બની ગયું છે.

સાયબર છેતરપિંડીથી બચવાના ઉપાયો

સાયબર છેતરપિંડીથી બચવા માટે પહેલું પગલું એ છે કે સાવધાની રાખો. જો તમને અજાણી વ્યક્તિ તરફથી ઈમેલ, સંદેશા, અથવા કૉલ આવે તો સાવચેત રહો. તમારી પર્સનલ અને બેન્કિંગ માહિતી કોઈને ન આપો. આવી વ્યક્તિઓ પર વિશ્વાસ ન કરો. હંમેશા મજબૂત પાસવર્ડ બનાવો. જો શક્ય હોય તો, 2-ફેક્ટર ઓથેન્ટિકેશન (2FA)નો ઉપયોગ કરો. તમારા ઓનલાઇન એકાઉન્ટના પાસવર્ડને નિયમિત રીતે બદલો.