જાઓ..મોદી કો બતા દેના...આતંકીઓનો વરવો ચહેરો

જમ્મુ અને કાશ્મીરના પહેલગામમાં થયેલા આતંકવાદી હુમલાએ દેશને હચમચાવી નાખ્યો છે. આમાં કુલ 26 લોકોના મોત થયા છે, જેમાં બે વિદેશી નાગરિકોનો પણ સમાવેશ થાય છે. માર્યા ગયેલા લોકોમાં એક યુએઈનો અને બીજો નેપાળનો રહેવાસી છે. આ હુમલા સાથે જોડાયેલું એક સત્ય સામે આવ્યું છે, જેમાં એવો દાવો કરવામાં આવી રહ્યો છે કે આતંકવાદીઓએ પલ્લવી રાવ નામની મહિલાના પતિ મંજુનાથ રાવની તેમની સામે જ ગોળી મારીને હત્યા કરી દીધી હતી. જ્યારે મહિલાએ કહ્યું કે મને અને મારા બાળકોને પણ મારી નાખો, ત્યારે આતંકવાદીઓએ કહ્યું કે જાઓ અને મોદી કો બતાઓ...

મંજુનાથ રાવ તેમના જીવનમાં પહેલી વાર કાશ્મીરની મુલાકાતે આવ્યા હતા, જે તેમની છેલ્લી મુલાકાત સાબિત થઈ. એટલું જ નહીં, છેલ્લા 46 વર્ષમાં પહેલી વાર તેઓ પોતાના પરિવાર સાથે કર્ણાટકની બહાર ફરવા આવ્યા હતા. હુમલા પહેલા, રાવ દંપતી પહેલગામના સુંદર ઘાસના મેદાનોમાં લટાર મારી રહ્યા હતા. પછી અચાનક તેમને ગોળીઓનો અવાજ સંભળાવા લાગ્યો. આ હુમલામાં મંજુનાથ ઉપરાંત કર્ણાટકના અન્ય એક વ્યક્તિનું મોત થયું હતું. બીજા મૃતકનું નામ ભારત ભૂષણ છે, જે બેંગલુરુનો રહેવાસી હતો. તેને પણ આતંકવાદીઓએ તેને ગોળી મારી દીધી. 

મંજુનાથ 24 એપ્રિલે ઘરે પરત ફરવાના હતા

પહેલગામ આતંકવાદી હુમલામાં માર્યા ગયેલા મંજુનાથની બહેને સમાચાર એજન્સીને જણાવ્યું કે તેઓ આ મહિનાની 8 તારીખે ગયા હતા અને 24 તારીખે પાછા ફરવાની અપેક્ષા હતી. તેણે મારી માતાને મેસેજ કરીને વર્ષગાંઠની શુભેચ્છા પાઠવી હતી.

દીકરાની ૧૨મા ધોરણની પરીક્ષા પછી મુસાફરી કરવાનો નિર્ણય

મંજુનાથે તેમના પુત્ર અભિજીતની ૧૨મા ધોરણની પરીક્ષા પછી કાશ્મીર જવાનું નક્કી કર્યું હતું. તે ૧૯ એપ્રિલના રોજ શિવમોગાથી એક જૂથ સાથે રવાના થયા હતા. દરમિયાન, મલનાડ એરેકા માર્કેટિંગ કો-ઓપ સોસાયટીની બિરુર શાખાના શાખા મેનેજર પલ્લવીએ એક ટીવી ચેનલને જણાવ્યું કે કેવી રીતે આતંકવાદીઓએ ગોળીબાર શરૂ કરતા પહેલા પીડિતોની પ્રોફાઇલ તૈયાર કરી હતી. એટલે કે, પહેલા તેઓએ જોયું કે કોણ ક્યાંથી છે, પછી લક્ષ્ય પસંદ કર્યું અને તેને મારી નાખ્યા હતા.  આનાથી સ્પષ્ટ થાય છે કે આ હુમલો માત્ર ભય ફેલાવવાનો પ્રયાસ નહોતો પરંતુ એક સુનિયોજિત હત્યાકાંડ હતો જેમાં ભારતની શાંતિ, પર્યટન અને આંતરરાષ્ટ્રીય છબીને નુકસાન પહોંચાડવાના ઉદ્દેશ્યથી પ્રવાસીઓને નિશાન બનાવવામાં આવ્યા હતા. હુમલા પછી, વડા પ્રધાન નરેન્દ્ર મોદીએ તેમની સાઉદી અરેબિયા મુલાકાત ટૂંકાવીને ભારત પાછા ફરવાનો નિર્ણય કર્યો અને બેઠકમાં ભાગ લીધો. આ ઉપરાંત ગૃહમંત્રી અમિત શાહ પણ કાશ્મીર પહોંચ્યા હતા અને પરિસ્થિતિનો તાગ મેળવ્યો હતો.

આ પણ વાંચો---  TRFનો કાયર વડો સજ્જાદ ગુલ, હંમેશા છુપાઇને જ હુમલો કરવાની સૂચનાઓ આપે છે

સમાચાર મેળવવા આજે જ અમારી WAHTSAPP ચેનલ સાથે જોડાવ