Shopian માં આતંકવાદીઓનો સફાયો, સેનાને મોટી સફળતા, હથિયારો અને રોકડનો ભંડાર મળ્યો

જમ્મુ અને કાશ્મીરમાં આતંકવાદીઓ વિરુદ્ધ કાર્યવાહી યથાવત છે. મંગળવારે Shopian માં ઠાર કરાયેલા 3 આતંકવાદીઓ પાસેથી મોટી માત્રામાં હથિયારો અને રોકડ મળી આવ્યા છે. તેનો વીડિયો પણ સામે આવ્યો છે.

આતંકવાદીઓના સફાયા માટે ઓપરેશન...

પહલગામ આતંકવાદી હુમલા બાદ ભારતીય સેના સંપૂર્ણપણે એલર્ટ છે અને આતંકવાદીઓ વિરુદ્ધ કાર્યવાહી ચાલુ છે. આ કાર્યવાહીમાં મંગળવારે સુરક્ષા દળોએ લશ્કરના 3 આતંકવાદીઓને ઠાર કર્યા હતા. આમાંથી 2 આતંકવાદીઓની ઓળખ પણ થઈ ગઈ છે, જેમાં એકનું નામ શાહિદ કુટ્ટે અને બીજાનું નામ અદનાન શફી ડાર હતું.

મળતી માહિતી મુજબ, સુરક્ષા દળોને શોપિયાં (Shopian)ના શુક્રુ કેલર વિસ્તારમાં આતંકવાદીઓની હાજરી વિશે માહિતી મળી હતી, ત્યારબાદ સુરક્ષા દળોએ સર્ચ ઓપરેશન હાથ ધર્યું હતું. આ દરમિયાન આતંકવાદીઓએ સુરક્ષા દળો પર ગોળીબાર કર્યો હતો, ત્યારબાદ સુરક્ષા દળોએ જવાબી કાર્યવાહી કરી આતંકવાદીઓને ઠાર કર્યા હતા.

સેના તરફથી જણાવવામાં આવ્યું હતું કે 13 મે, 2025 ના રોજ રાષ્ટ્રીય રાઈફલ્સ યુનિટને શોકલ કેલર, શોપિયાં (Shopian)ના સામાન્ય વિસ્તારમાં આતંકવાદીઓની હાજરી વિશે માહિતી મળી હતી. વિશેષ ગુપ્ત માહિતીના આધારે ભારતીય સેનાએ સર્ચ અને ડિસ્ટ્રોય ઓપરેશન શરૂ કર્યું હતું. ઓપરેશન દરમિયાન આતંકવાદીઓએ ભારે ગોળીબાર કર્યો હતો અને બંને તરફથી જોરદાર ગોળીબાર થયો હતો. આ અથડામણમાં ત્રણ કટ્ટર આતંકવાદીઓને ઠાર કરવામાં આવ્યા હતા. હાલમાં ઓપરેશન ચાલુ છે.

પહલગામ આતંકવાદી હુમલા બાદ સેનાએ કડક કાર્યવાહી કરતાં ઘણા આતંકવાદીઓના ઘરો તોડી પાડ્યા હતા. જેમાં શાહિદ અને અદનાનના ઘરનો પણ સમાવેશ થતો હતો. હવે સુરક્ષા દળોએ બંને આતંકવાદીઓને પણ ઠાર કર્યા છે. નોંધનીય છે કે, સુરક્ષા દળો હવે આતંકવાદીઓ વિરુદ્ધ કડક કાર્યવાહી કરી રહ્યા છે. આતંકવાદ પર ભારતની નીતિ ઝીરો ટોલરન્સની રહી છે. આ કાર્યવાહીથી આતંકવાદીઓના આકાઓ ડરેલા છે.