ભારત એવું જ કરે જેવું ઇઝરાયેલે કર્યું..પેન્ટાગોનના પૂર્વ અધિકારીના નિવેદનથી ખળભળાટ

પહલગામમાં થયેલા આતંકવાદી હુમલા બાદ ભારતને દુનિયાભરમાંથી સમર્થન મળી રહ્યું છે. બધા દેશોએ આ જઘન્ય હત્યાકાંડની સખત નિંદા કરી છે અને ભારત સાથે એકતા વ્યક્ત કરી છે. આ દરમિયાન, યુએસ સુરક્ષા અધિકારી અને પેન્ટાગોનના ભૂતપૂર્વ અધિકારી માઈકલ રુબિને એક મોટું નિવેદન આપ્યું છે. રૂબિને કહ્યું છે કે આ હુમલા પછી, ભારતની ફરજ છે કે તે પાકિસ્તાન અને તેની ગુપ્તચર એજન્સી ઇન્ટર સર્વિસીસ ઇન્ટેલિજન્સ (ISI) સાથે એ જ રીતે વ્યવહાર કરે જે રીતે 7 ઓક્ટોબરના હુમલા પછી ઇઝરાયલે હમાસ સાથે કર્યું હતું. તેમણે કહ્યું કે હવે સમય આવી ગયો છે કે ભારત ISIના સમગ્ર નેતૃત્વને ખતમ કરે.

અહેવાલો અનુસાર, અમેરિકન એન્ટરપ્રાઇઝ ઇન્સ્ટિટ્યૂટના સિનિયર ફેલો રૂબિને કહ્યું કે મુનીર અને બિન લાદેન વચ્ચે એકમાત્ર તફાવત એ છે કે મુનીર એક મહેલમાં રહેતો હતો અને બિન લાદેન ગુફામાં રહેતો હતો. સમાચાર એજન્સી સાથે વાત કરતા તેમણે કહ્યું, "પહલગામ હુમલા પર અમેરિકાનો એકમાત્ર જવાબ એ હશે કે તે પાકિસ્તાનને આતંકવાદી દેશ જાહેર કરવા અને આસીમ મુનીરને આતંકવાદી જાહેર કરવા માટે ઔપચારિક પહેલ કરે."

પહેલગામ હુમલામાં પાકિસ્તાનની ભૂમિકાનું વર્ણન કરવા માટે ભૂતપૂર્વ અધિકારીએ 'લિપસ્ટિક ઓન અ પિગ' કહેવતનો ઉપયોગ કર્યો હતો. આ કહેવતનો અર્થ છે કોઈ વસ્તુની વાસ્તવિક સ્થિતિ છુપાવવા માટે તેના પર કૃત્રિમ રંગ લગાવવો. તેમણે કહ્યું કે પાકિસ્તાન આ હુમલાથી હાથ ધોઈ શકે છે અને કહી શકે છે કે આ સ્થાનિક આતંકવાદીઓનું કામ હતું. હુમલાના સમયની વાત કરીએ તો, બિલ ક્લિન્ટન ભારતની મુલાકાતે આવ્યા હતા ત્યારે પણ આતંકવાદી હુમલો થયો હતો. તેવી જ રીતે, હવે જ્યારે ઉપરાષ્ટ્રપતિ જેડી વાન્સ ભારતની મુલાકાતે આવ્યા છે, ત્યારે પાકિસ્તાને વિશ્વનું ધ્યાન કાશ્મીર તરફ દોરવા માટે આ હુમલો કર્યો છે.

આ પણ વાંચો---ભારતે પાકિસ્તાન સાથે સિંધુ જળ સંધિ સ્થગિત કરી

સમાચાર મેળવવા આજે જ અમારી WAHTSAPP ચેનલ સાથે જોડાવ