શિવપુરીમાં અકસ્માત, 1નું મોત 10થી વધુ ઈજાગ્રસ્ત

મધ્ય પ્રદેશના શિવપુરી જિલ્લામાં અકસ્માત થયો, જેમાં એક વ્યક્તિનું મોત થયું છે અને 10થી વધુ લોકો ઘાયલ થયા છે. આ ઘટના શિવપુરીના સુરવાયા પોલીસ સ્ટેશન વિસ્તારમાં બની હતી.

મળતી માહિતી મુજબ, વારાણસીથી ગુજરાત જઈ રહેલી એક ટૂરિસ્ટ ટ્રાવેલર વાન અનિયંત્રિત થઈને સામેથી આવી રહેલા ટ્રક સાથે અથડાઈ હતી. આ અથડામણ એટલી જોરદાર હતી કે ટ્રકના ડ્રાઈવરનું ઘટનાસ્થળે જ મોત થયું હતું.

આ દુર્ઘટનામાં ટ્રાવેલરમાં સવાર 10થી વધુ મુસાફરોને ગંભીર ઈજાઓ થઈ છે. અકસ્માત બાદ તરત જ આસપાસના લોકો મદદ માટે દોડી આવ્યા હતા. પોલીસ અને 108ની મદદથી ઈજાગ્રસ્તોને તાત્કાલિક નજીકની હોસ્પિટલમાં ખસેડવામાં આવ્યા છે, જ્યાં તેમની સારવાર ચાલી રહી છે. 

હાલમાં, સુરવાયા પોલીસે આ મામલે કેસ નોંધીને તપાસ શરૂ કરી છે, જેથી અકસ્માતનું ચોક્કસ કારણ જાણી શકાય.