1 એપ્રિલ, 2026 થી દેશમાં નવા નાણાકીય વર્ષનો પ્રારંભ થઈ રહ્યો છે. આ સાથે જ ખાનગી અને સરકારી બેંકોએ ATM અને ડિજિટલ ટ્રાન્ઝેક્શનના નિયમોમાં મહત્વના ફેરફારો જાહેર કર્યા છે. જો તમે HDFC કે PNBના ગ્રાહક હોવ તો આ સમાચાર તમારા માટે ખૂબ જ મહત્વના છે.
HDFC બેંક: UPI કેશ ઉપાડ હવે મફત નહીં?
પ્રાઈવેટ સેક્ટરની દિગ્ગજ HDFC બેંકે પુષ્ટિ કરી છે કે હવે ATM માંથી UPI આધારિત કેશ ઉપાડ (Cardless Cash) પણ મહિનાની ફ્રી ટ્રાન્ઝેક્શન લિમિટમાં ગણવામાં આવશે.&nbsp;જો તમે દર મહિને મળતી મફત ટ્રાન્ઝેક્શનની મર્યાદા (સામાન્ય રીતે 5 વખત) વટાવો છો, તો દરેક ટ્રાન્ઝેક્શન પર ₹23 ચાર્જ (પ્લસ ટેક્સ) ચૂકવવો પડશે.&nbsp;
અત્યાર સુધી UPI કેશ વિડ્રોઅલને અલગ કેટેગરીમાં રાખવામાં આવતું હતું, પરંતુ હવે તેને પણ સામાન્ય ATM ટ્રાન્ઝેક્શનની જેમ જ ગણવામાં આવશે.
PNB: ડેબિટ કાર્ડની લિમિટમાં ફેરફાર
પંજાબ નેશનલ બેંક (PNB) એ તેના વિવિધ ડેબિટ કાર્ડ્સ માટે દૈનિક કેશ ઉપાડની મર્યાદામાં સુધારો કર્યો છે. હવે&nbsp;નવા નિયમો મુજબ, કાર્ડના પ્રકારને આધારે ગ્રાહકો દરરોજ ₹50,000થી ₹75,000 સુધીની જ રકમ ઉપાડી શકશે.&nbsp;
જે કાર્ડ્સમાં અગાઉ ₹1,00,000 સુધીની લિમિટ હતી, તેમાં પણ રિસ્ક મેનેજમેન્ટને ધ્યાનમાં રાખીને ઘટાડો કરવામાં આવ્યો છે.
Jio પેમેન્ટ્સ બેંક: QR કોડથી મળશે કેશ
ડિજિટલ બેંકિંગને પ્રોત્સાહન આપવા માટે Jio પેમેન્ટ્સ બેંકે નવી સુવિધા શરૂ કરી છે. હવે ગ્રાહકો ડેબિટ કાર્ડ વગર માત્ર UPI QR કોડ સ્કેન કરીને બેંકિંગ કોરેસ્પોન્ડન્ટ્સ પાસેથી રોકડ મેળવી શકશે.
આ ફેરફારો દર્શાવે છે કે બેંકો હવે કેશ ટ્રાન્ઝેક્શન પર અંકુશ વધારી રહી છે અને ડિજિટલ પેમેન્ટ તરફ ગ્રાહકોને પ્રોત્સાહિત કરી રહી છે. વધારાના ચાર્જથી બચવા માટે ગ્રાહકોએ પોતાના બેંક એકાઉન્ટની ફ્રી લિમિટ અને ટ્રાન્ઝેક્શન પર નજર રાખવી જરૂરી છે.

1 એપ્રિલથી બદલાશે નિયમ; ATM માંથી કેશ કાઢવી મોંઘી

નવા નાણાકીય વર્ષથી બેંકિંગમાં મોટા ફેરફાર; જાણો તમારા ખિસ્સા પર શું થશે અસર

March 23, 2026 | 15:29 IST