પશ્ચિમ બંગાળના બર્ધમાન જિલ્લામાં સવારે અકસ્માત થયો, જેમાં 10 લોકોના મોત થયા અને 35 અન્ય ઈજાગ્રસ્ત થયા. બિહારથી યાત્રાળુઓને લઈને જઈ રહેલી એક ખાનગી પેસેન્જર બસ, દુર્ગાપુર જઈ રહી હતી ત્યારે નેશનલ હાઈવે નંબર 19 પર નાલા ફેરી ઘાટ પાસે ઊભેલા ટ્રેક્ટર સાથે જોરદાર રીતે અથડાઈ. આ અકસ્માત એટલો ગંભીર હતો કે, ઘટના સ્થળે જ અનેક લોકોએ જીવ ગુમાવ્યા. બસમાં કુલ 45 યાત્રાળુઓ સવાર હતા, જેમાં 5 બાળકોનો પણ સમાવેશ થાય છે. આ અકસ્માત પાછળનું પ્રાથમિક કારણ બસની વધુ પડતી ઝડપ હોવાનું જાણવા મળ્યું છે.
અકસ્માત બાદ તાત્કાલિક સ્થાનિક લોકો અને રાહત કર્મીઓની મદદથી ઈજાગ્રસ્તોને બસમાંથી બહાર કાઢવામાં આવ્યા. તમામ 35 ઈજાગ્રસ્તો યાત્રાળુઓને તાત્કાલિક સારવાર માટે બર્ધમાન મેડિકલ કોલેજ હોસ્પિટલમાં દાખલ કરવામાં આવ્યા છે, જ્યાં તેમની સારવાર ચાલી રહી છે.
જેમાં 10 લોકોના મોત થયા છે તેમના મૃતદેહોને પોસ્ટમોર્ટમ માટે મોકલી દેવામાં આવ્યા છે. પોલીસ અને સંબંધિત અધિકારીઓએ ઘટના સ્થળે પહોંચીને અકસ્માતના કારણોની તપાસ શરૂ કરી દીધી છે. પોલીસ દ્વારા અકસ્માત સ્થળના નિરીક્ષણ અને પ્રત્યક્ષદર્શીઓના નિવેદનોના આધારે વધુ કાર્યવાહી કરવામાં આવી રહી છે.
આ ભયાનક અકસ્માતને પગલે, સ્થાનિક અધિકારીઓએ વાહનચાલકોને હાઈવે પર સાવચેતી રાખવા અપીલ કરી છે. ખાસ કરીને એવા વિસ્તારોમાં જ્યાં ઊભેલા વાહનો હોવાની શક્યતા હોય. ભવિષ્યમાં આવા અકસ્માતોને રોકવા માટે સલામતીના પગલાની સમીક્ષા કરવામાં આવી રહી છે.
આ ઘટનાએ ફરી એકવાર માર્ગ સલામતીના મુદ્દાને પ્રકાશિત કર્યો છે. યાત્રાળુઓ માટે સુરક્ષિત મુસાફરી સુનિશ્ચિત કરવા અને હાઈ-વે પરના જોખમો ઘટાડવા માટે સરકાર દ્વારા વધુ સક્રિય પગલાં લેવાની જરૂરિયાત પર ભાર મૂકવામાં આવ્યો છે. ટ્રાફિક નિયમોનું કડક પાલન અને વાહનોની નિયમિત જાળવણી આવા અકસ્માતોને ઘટાડવામાં મહત્વપૂર્ણ ભૂમિકા ભજવી શકે છે.

અકસ્માતમાં 10ના મોત

પશ્ચિમ બંગાળના બર્ધમાનમાં બસ ટ્રેક્ટર સાથે અકસ્માાતમાં 10ના મોત અને 35 ઈજાગ્રસ્ત

August 15, 2025 | 17:06 IST