ધનતેરસ અને દિવાળીના શુભ અવસરે સોનાની ખરીદીને ભારતીય સંસ્કૃતિમાં સમૃદ્ધિ અને સૌભાગ્યનું પ્રતીક માનવામાં આવે છે. પરંપરાગત રીતે, ઘરેણાં અને સિક્કાના રૂપમાં ભૌતિક સોનાની માંગ હંમેશા વધુ રહે છે. જોકે, છેલ્લા કેટલાક વર્ષોમાં ડિજિટલ ગોલ્ડ એક આધુનિક રોકાણ વિકલ્પ તરીકે ઝડપથી ઉભરી આવ્યું છે. 
આ શુભ પર્વ પર રોકાણની દૃષ્ટિએ કયો વિકલ્પ વધુ સારો છે? જાણો ભૌતિક અને ડિજિટલ સોનાના મુખ્ય તફાવતો.
સુરક્ષા અને સંગ્રહ
ભૌતિક સોનું: આમાં ચોરી, નુકસાન અથવા ખોવાઈ જવાનું જોખમ રહે છે. તેથી, તેને સુરક્ષિત રાખવા માટે બેંક લોકર જેવા ખર્ચાળ સંગ્રહની જરૂર પડે છે.
ડિજિટલ સોનું: આ સોનું વેચનાર દ્વારા સુરક્ષિત વૉલ્ટમાં રાખવામાં આવતું હોવાનો દાવો કરાય છે, જેથી ભૌતિક સુરક્ષાનું જોખમ રહેતું નથી. જોકે, ડિજિટલ ગોલ્ડ હાલમાં મોટા ભાગે અનિયમિત&nbsp;છે અને આ દાવાઓ ચકાસવા માટે કોઈ formal દેખરેખ નથી, જે ખરીદદારો માટે ચિંતાનો વિષય છે. વળી, તે પરંપરાગત સોના કરતાં ઊંચા ભાવે વેચાય છે.
શુદ્ધતા અને પ્રવાહિતા (Liquidity)
શુદ્ધતા: ભૌતિક સોનામાં, ખાસ કરીને ઘરેણાંમાં, શુદ્ધતાનું જોખમ હંમેશા રહે છે. જ્યારે, ડિજિટલ ગોલ્ડ 99.9% શુદ્ધતા (24K)ની ગેરંટી સાથે આવે છે, જે શુદ્ધતાની ચિંતાને દૂર કરે છે.
પ્રવાહિતા (Liquidity): ભૌતિક સોનું વેચવા માટે જ્વેલરની મુલાકાત લેવી પડે છે, અને તેના વેચાણ મૂલ્યમાં બજાર દર અને અમુક કપાતને કારણે ફેરફાર થઈ શકે છે. ડિજિટલ ગોલ્ડ અહીં બાજી મારે છે. તે ઓનલાઇન પ્લેટફોર્મ્સ પર લાઇવ માર્કેટ પ્રાઇસ પર તત્કાળ ખરીદી અને વેચાણની સુવિધા આપે છે, જે વધુ પ્રવાહિતા પ્રદાન કરે છે.
કરવેરા&nbsp;અને અન્ય વિકલ્પો
ખરીદી સમયે, ભૌતિક અને ડિજિટલ બંને સોના પર 3% GST લાગે છે. વળી, રોકાણના સમયગાળાના આધારે બંને પર કેપિટલ ગેઇન ટેક્સ લાગુ થાય છે.
ડિજિટલ ગોલ્ડ વિરુદ્ધ ગોલ્ડ ઇટીએફ (Gold ETFs): ડિજિટલ ગોલ્ડ એ એક ઓનલાઇન ખરીદી વિકલ્પ છે, જેને પાછળથી ભૌતિક સિક્કા કે બારમાં રિડીમ કરી શકાય છે, પરંતુ તે સેબી દ્વારા નિયંત્રિત નથી. બીજી તરફ, ગોલ્ડ ઇટીએફ એ સ્ટોક એક્સચેન્જ પર વેપાર થતા ફંડ છે, જે નિયમનકારી સત્તાવાળાઓ દ્વારા નિયંત્રિત હોવાથી વધુ પારદર્શિતા અને ઓછા ખર્ચે રોકાણનો વિકલ્પ પૂરો પાડે છે.

રીયલ Gold કે ડીજીટલ Gold? શેમાં રોકાણ કરવું જોઈએ?

રોકાણ, શુદ્ધતા અને સુરક્ષા: કયું સોનું આ દિવાળીએ આપશે વધુ સારો વળતર?

October 18, 2025 | 17:26 IST