રસોઈ ગેસ મોંઘો થયો, LPG ગેસ સિલિન્ડરના ભાવમાં 50 રૂપિયાનો વધારો

સોમવારે દેશને મોંઘવારીના મોટા ફટકાનો સામનો કરવો પડ્યો છે. LPG સિલિન્ડરના ભાવમાં વધારો કરવામાં આવ્યો છે. સરકારે 14 કિલોગ્રામના ઘરેલુ LPG ગેસ સિલિન્ડરના ભાવમાં 50 રૂપિયાનો વધારો કર્યો છે. 

આ પછી, ઉજ્જવલા યોજના હેઠળ ઉપલબ્ધ LPG સિલિન્ડરની કિંમત 503 રૂપિયાથી વધીને 553 રૂપિયા થશે અને ઉજ્જવલા યોજના સિવાયના LPG સિલિન્ડરની કિંમત 803 રૂપિયાથી વધીને 853 રૂપિયા થશે. મીડિયાને સંબોધતા પેટ્રોલિયમ મંત્રી હરદીપ સિંહ પુરીએ કહ્યું કે આંતરરાષ્ટ્રીય ભાવ વધી રહ્યા છે અને અહીં ભાવ ઘટી રહ્યા છે. 

અમે નિર્ણય લીધો છે કે LPG ના ભાવમાં 50 રૂપિયાનો વધારો કરવામાં આવશે. તેમણે કહ્યું કે અમે આગામી દિવસોમાં તેની સમીક્ષા કરીશું.