Uttarakhand : Haridwar માં રાજકીય હંગામો, પૂર્વ ધારાસભ્યએ ઉમેશ શર્માના કાર્યાલય પર કર્યું ફાયરિંગ...

ઉત્તરાખંડ (Uttarakhand)ના રૂરકીમાં ખાનપુરના ધારાસભ્ય ઉમેશ શર્માના કાર્યાલયમાં ત્યારે અરાજકતા સર્જાઈ હતી જ્યારે પૂર્વ ધારાસભ્ય કુંવર પ્રણવ સિંહ ચેમ્પિયન પોતાના સશસ્ત્ર સમર્થકો સાથે ખાનપુર ધારાસભ્યની ઓફિસે પહોંચ્યા હતા. પ્રણવ ચેમ્પિયન પોતાના સશસ્ત્ર સમર્થકો સાથે ખાનપુરના ધારાસભ્ય ઉમેશ શર્માની ઓફિસે પહોંચ્યા અને ગાળો બોલવા લાગ્યા. આ દરમિયાન મારામારી અને 50 રાઉન્ડ ફાયરિંગની માહિતી પણ સામે આવી છે.

રવિવારે પૂર્વ ધારાસભ્ય કુંવર પ્રણવ સિંહ ચેમ્પિયન અને તેમના સમર્થકો મોટી સંખ્યામાં ઉમેશ કુમારની ઓફિસે પહોંચ્યા અને ઓફિસમાં તોડફોડ કરી અને તેમના સમર્થકો સાથે મારપીટ કરી. માહિતી મળતા જ ભારે પોલીસ કાફલો ઘટના સ્થળે પહોંચી ગયો હતો.

અહીંથી વિવાદ શરૂ થયો હતો...

પૂર્વ ધારાસભ્ય કુંવર પ્રણવ સિંહ ચેમ્પિયન અને ઉમેશ કુમાર વચ્ચે શનિવારે અપશબ્દોને લઈને વિવાદ થયો હતો. આ મામલે મોડી રાત્રે ઉમેશ કુમાર તેમના સમર્થકો સાથે ચેમ્પિયનની કેમ્પ ઓફિસ અને લેન્ડૌરા પેલેસની બહાર પહોંચી ગયા હતા અને આ દરમિયાન ભારે હોબાળો થયો હતો.

પ્રણવ ચેમ્પિયનનો વીડિયો સોશિયલ મીડિયા પર વાયરલ...

વિવાદનો બદલો લેવા માટે આજે પ્રણવ ચેમ્પિયન ધારાસભ્ય ઉમેશ શર્માની ઓફિસે પહોંચ્યા અને હંગામો મચાવ્યો. પ્રણવ ચેમ્પિયન પોતાના સશસ્ત્ર સમર્થકો સાથે ખાનપુરના ધારાસભ્ય ઉમેશ શર્માની ઓફિસે પહોંચ્યા અને ગાળો બોલવા લાગ્યા. પ્રણવ ચેમ્પિયનનો વીડિયો સોશિયલ મીડિયા પર વાયરલ થઈ રહ્યો છે. હંગામો અને ગોળીબારમાં એક ધારાસભ્ય સમર્થક ઘાયલ થયો છે, જેને સારવાર માટે દાખલ કરવામાં આવ્યો છે.