India અને Indonesia વચ્ચે મૈત્રીપૂર્ણ કરાર, PM મોદી સાથે Prabowo Subianto એ કરી મુલાકત

ઇન્ડોનેશિયા (Indonesia)ના રાષ્ટ્રપતિ Prabowo Subianto પ્રજાસત્તાક દિવસ નિમિત્તે મુખ્ય અતિથિ બનવા માટે ભારત પહોંચ્યા છે. તેઓ ગુરુવારે રાત્રે નવી દિલ્હી પહોંચ્યા હતા. જ્યાં એરપોર્ટ પર વિદેશ રાજ્ય મંત્રી પવિત્રા માર્ગેરિટાએ તેમનું સ્વાગત કર્યું હતું. Prabowo Subianto પ્રજાસત્તાક દિવસે મુખ્ય અતિથિ તરીકે હાજરી આપનારા ઈન્ડોનેશિયાના ચોથા રાષ્ટ્રપતિ છે. તેઓ રાષ્ટ્રપતિ ભવનમાં રાષ્ટ્રપતિ દ્રૌપદી મુર્મૂ અને PM નરેન્દ્ર મોદીને મળ્યા હતા. PM મોદી અને ઇન્ડોનેશિયા (Indonesia)ના રાષ્ટ્રપતિ Prabowo Subianto ની હાજરીમાં દિલ્હીના હૈદરાબાદ હાઉસ ખાતે ભારત અને ઇન્ડોનેશિયા (Indonesia) વચ્ચે MOU ની આપ-લે કરવામાં આવી હતી.

PM મોદીએ ઈન્ડોનેશિયાના રાષ્ટ્રપતિનું સ્વાગત કર્યું...

કાર્યક્રમને સંબોધતા PM મોદીએ ઈન્ડોનેશિયાના રાષ્ટ્રપતિનું સ્વાગત કર્યું. તેમણે કહ્યું, "ભારતના પ્રથમ ગણતંત્ર દિવસના અવસર પર ઈન્ડોનેશિયા મુખ્ય અતિથિ દેશ હતો અને અમારા માટે ગર્વની વાત છે કે ભારતના 75 મા પ્રજાસત્તાક દિવસના અવસર પર ઈન્ડોનેશિયા ફરી એકવાર આ ઐતિહાસિક ક્ષણનો હિસ્સો છે. હું રાષ્ટ્રપતિ Prabowo Subianto નું ભારતમાં સ્વાગત કરું છું.

2018 માં PM મોદીએ ઇન્ડોનેશિયાની મુલાકાત લીધી હતી...

તેમણે વધુમાં જણાવ્યું હતું કે, "2018 માં ઇન્ડોનેશિયા (Indonesia)ની મારી મુલાકાત દરમિયાન, અમે વ્યાપક વ્યૂહાત્મક ભાગીદારી તરીકે અમારી ભાગીદારીને આગળ વધારી હતી. આજે મેં રાષ્ટ્રપતિ પ્રબોવો સાથે અમારા પરસ્પર સહયોગના વિવિધ પાસાઓ પર વ્યાપક ચર્ચા કરી હતી. સંરક્ષણ ક્ષેત્રમાં સહકારને આગળ વધારવા માટે, અમે ઉત્પાદન અને પુરવઠામાં સાથે મળીને કામ કરવાનું પણ નક્કી કર્યું છે, અમે દરિયાઈ સુરક્ષા, આતંકવાદ વિરોધી અને કટ્ટરપંથીકરણમાં સહયોગ પર પણ ભાર મૂક્યો છે. PM મોદીએ વધુમાં જણાવ્યું હતું કે, "સમુદ્રીય સુરક્ષા અને સુરક્ષાના ક્ષેત્રમાં આજે થયેલા કરારથી ગુના નિવારણ, શોધ અને બચાવ અને ક્ષમતા નિર્માણમાં અમારો સહયોગ વધુ મજબૂત બનશે. છેલ્લા કેટલાક વર્ષોમાં અમારો દ્વિપક્ષીય વેપાર ઝડપથી વધ્યો છે. ગયા વર્ષે તે $30 બિલિયનથી વધુ હતું."