પાકિસ્તાને 26 શહેરોમાં ડ્રોન એટેક કર્યા પણ ભારતે જડબાતોડ જવાબ આપ્યો

પાકિસ્તાને શુક્રવારે રાત્રે પણ જમ્મુથી લઇને ગુજરાત સુધીની સરહદ પર ડ્રોન એટેક કર્યા હતા પરંતુ ભારતીય સેનાની એર ડિફેન્સ સિસ્ટમે પાકિસ્તાનના નાપાક મનસુબાને નશ્ટ કરી દીધા હતા. રાતે 8 વાગ્યા બાદ પાકિસ્તાન પઠાણકોટમાં ડ્રોનથી સતત હુમલા કરી રહ્યું હતું, પરંતુ ભારતીય સેનાએ બધા ડ્રોનને તોડી પાડ્યા. ભારતીય સેનાએ રાજૌરીમાં એક ડ્રોન પણ તોડી પાડ્યું છે. પાકિસ્તાને અમૃતસરના ખાસા નજીક ડ્રોન છોડ્યા છે. ભારતીય સેના પાકિસ્તાનને જડબાતોડ જવાબ આપી રહી છે.

આ સાથે પ્રધાનમંત્રીના નિવાસસ્થાને એક મોટી બેઠક ચાલી રહી હતી. જેમાં ભારતના રાષ્ટ્રીય સુરક્ષા સલાહકાર પણ હાજર હતા . હવે આ મીટિંગ પૂરી થઈ ગઈ છે.

જેસલમેરના પોખરણમાં પાકિસ્તાન દ્વારા ફરી એકવાર ડ્રોન હુમલો કરવામાં આવ્યો હતો જેને ભારતની વાયુ સંરક્ષણ પ્રણાલી દ્વારા હવામાં તોડી પાડવામાં આવ્યા હતા. શ્રીનગર એરપોર્ટ પર ડ્રોન હુમલો કરવાનો પાકિસ્તાનનો પ્રયાસ નિષ્ફળ બનાવવામાં આવ્યો છે. પાકિસ્તાનના નાપાક હવાઈ હુમલાના પ્રયાસ વચ્ચે NSA અજિત ડોભાલની PM મોદી સાથેની મુલાકાત સમાપ્ત થઈ ગઈ છે. ડોભાલની સાથે વિદેશ મંત્રી એસ જયશંકર પણ પ્રધાનમંત્રી નિવાસસ્થાન છોડીને ગયા છે.

કાશ્મીરમાં ઘણી જગ્યાએ ડ્રોન હુમલાના પ્રયાસો થયા છે. પાકિસ્તાને શ્રીનગર એરપોર્ટ, બડગામ, ગાંદરબલ, અવંતિપોરા સહિત કાશ્મીર ખીણના વિવિધ વિસ્તારોમાં ડ્રોન હુમલા કરવાનો પ્રયાસ કર્યો. બધાને મારી નાખવામાં આવી રહ્યા છે. અધિકારીઓ કહે છે કે ગભરાવાની કોઈ જરૂર નથી. કાશ્મીરના શ્રીનગર એરપોર્ટની આસપાસ સ્થાનિક લોકોએ વિસ્ફોટોના અવાજો સાંભળ્યા છે. લોકો કહે છે કે આ એક ડ્રોન હુમલો હતો, જેને સેનાએ નિષ્ફળ બનાવ્યો છે.

સૂત્રોનું કહેવું છે કે કાશ્મીર ખીણમાં ડ્રોન હુમલાનો પ્રયાસ થયો છે. દક્ષિણ કાશ્મીરના અવંતિપોરામાં સુરક્ષા દળોએ એક ડ્રોનને તોડી પાડ્યું છે. કાશ્મીર ખીણમાં સંપૂર્ણ અંધારપટ છે. પંજાબના ફિરોઝપુરમાં ડ્રોન હુમલામાં ત્રણ લોકો દાઝી ગયા છે. આ અંગે ફિરોઝપુરના એસએસપી ભૂપિન્દર સિંહ સિદ્ધુએ જણાવ્યું હતું કે અમને 3 લોકો ઘાયલ થયા હોવાની માહિતી મળી છે.  તેમની સારવાર ચાલી રહી છે. સેનાએ મોટાભાગના ડ્રોનનો નાશ કર્યો છે.

 ગુજરાતના લખપતમાં હરામીનાળા પાસે પાકિસ્તાની ડ્રોન જોવા મળ્યા હતા, જેને નષ્ટ કરી દેવામાં આવ્યા છે. પંજાબમાં 5 સ્થળોએ પાકિસ્તાની ડ્રોન હુમલાઓને નિષ્ફળ બનાવવામાં આવ્યા છે. વાયુ સંરક્ષણ પ્રણાલીઓ અને સુરક્ષા દળો પાકિસ્તાનના ડ્રોનને હવામાં જ તોડી રહ્યા છે. પાકિસ્તાન નાગરિક વિમાનની આડમાં ભારતમાં ઘણા સ્થળોએ ડ્રોન હુમલા કરવાનો પ્રયાસ કરી રહ્યું છે