Pahalgam Terror Attack : કોડ વર્ડ્સમાં હતા આતંકીઓના નામ, શરીર પર લાગ્યા હતા કેમેરા તો શું...

પહેલગામમાં થયેલા નિર્દય આતંકવાદી હુમલાને લઈને હવે તસવીરો વધુ સ્પષ્ટ થઇ રહી છે અને આ હુમલા અંગે એક અત્યંત ચોંકાવનારો ખુલાસો થયો છે. જે ચાર હેવાનોએ 26 નિર્દોષ લોકોની ક્રૂરતાથી હત્યા કરી નાખી, તેમના ચહેરા દુનિયા સામે આવી ગયા છે. માહિતી અનુસાર, આમાંથી બે આતાક્વાડીઓ પશ્તો ભાષામાં વાતચીત કરી રહ્યા હતા. હુમલો કરનારા આ બે આતંકવાદીઓ પાકિસ્તાની હોવાનું જાણવા મળ્યું છે અને તેમની ઓળખ પણ થઇ ગઈ છે. આમાંથી એક આતંકવાદી ઓફિસ શેખ જૈશ-એ-મોહમ્મદનો આતંકી હોવાનું કહેવાય છે. ચાર આતંકવાદીઓમાંથી ત્રણના કોડ નેમ પણ સામે આવ્યા છે. આસિફ ફૌજીનું નામ મૂસા હતું, સુલેમાન શાહનું નામ યુનુસ હતું અને અબુ તલ્હાનું કોડ નામ આસિફ હતું.

સુત્રોના જણાવ્યા અનુસાર, આતાક્વાડીઓના શરીર પર બોડી કેમેરા લાગેલા હતા અને તેમણે સમગ્ર ઘટનાનો વીડિયો રેકોર્ડિંગ કર્યું હતું. આ રાક્ષસોએ પ્રવાસીઓને પહેલા માથું નમાવવા માટે કહ્યું અને ત્યારબાદ એકે-47 અને અમેરિકન એમ-14 રાઈફલથી અંધાધૂંધ ગોળીબાર શ્રી કરી દીધો. તપાસ એજન્સીઓએ ત્રણ શંકાસ્પદોના સ્કેચ પણ જાહેર કર્યા હતા અને તેના તુરંત બાદ હવે ચારેય આતંકવાદીઓના ભયાનક ચહેરા પર સામે આવી ચૂકયા છે. 

પહેલગામ હુમલાની તપાસ કરી રહેલી ગુપ્તચર એજન્સીઓને ઘટનાસ્થળની નજીકથી અત્યંત આધુનિક કક્ષાના સંચાર ઉપકરણો મળી આવ્યા છે, જે દર્શાવે છે કે આ આતંકવાદીઓને બહારથી લોજિસ્ટિક સપોર્ટ અને મદદ મળી રહી હતી. ગુપ્તચર એજન્સીઓએ દાવો કર્યો છે કે હુમલાખોર આતંકવાદીઓ પાકિસ્તાનમાં બેઠેલા ઓપરેટિવ સાથે સીધા સંપર્કમાં હતા અને ત્યાં બેઠેલા તેમના આકાઓને સમગ્ર ઘટનાની લાઈવ માહિતી મળી રહી હતી. આ ખુલાસાઓએ પાકિસ્તાનના આતંકવાદીઓને સમર્થન આપવાના નાપાક ઈરાદાઓને વધુ એક વખત જગજાહેર કરી દીધા છે. આ નિર્દોષોના લોહીથી ખરડાયેલા હાથ અને તેમના ક્રૂર ચહેરા ક્યારેય ભૂલી શકાશે નહીં.