ભારતીય રેલવેમાં મુસાફરી દરમિયાન ઘણીવાર મુસાફરોને ટ્રેનના જમવાની ગુણવત્તા બાબતે ફરિયાદો રહેતી હોય છે. ક્યારેક ખાવાનું ઠંડુ હોય છે તો ક્યારેક સ્વાદમાં મજા આવતી નથી. મુસાફરોની આ સમસ્યાનો કાયમી ઉકેલ લાવવા માટે IRCTC અને તેના ભાગીદાર 'Zoop' દ્વારા એક શાનદાર ટેકનોલોજી આધારિત સુવિધા શરૂ કરવામાં આવી છે. હવે તમે મુસાફરી દરમિયાન તમારી સીટ પર બેઠા-બેઠા જ તમારી મનપસંદ રેસ્ટોરન્ટમાંથી ભોજન મંગાવી શકશો.
લોકપ્રિય બ્રાન્ડ્સનું ભોજન હવે તમારી બર્થ પર :&nbsp;
આ નવી સુવિધા હેઠળ મુસાફરો હવે ડોમિનોઝ (Domino's), હલ્દીરામ (Haldiram), અને બિકાનેરવાલા (Bikanervala) જેવી પ્રખ્યાત બ્રાન્ડ્સમાંથી ખાવાનું ઓર્ડર કરી શકે છે. WhatsApp દ્વારા ઓર્ડર કરવાની પ્રક્રિયા ખૂબ જ સરળ છે અને તેમાં નેટવર્કની સમસ્યા કે વધારાના વિલંબનો ડર રહેતો નથી. સૌથી સારી વાત એ છે કે તમે તમારા ઓર્ડરને રીઅલ-ટાઇમ ટ્રેક પણ કરી શકો છો.
WhatsApp દ્વારા ઓર્ડર કરવાની સ્ટેપ-બાય-સ્ટેપ રીત : જો તમે પણ આગામી રેલવે મુસાફરીમાં સ્વાદિષ્ટ ભોજનનો આનંદ લેવા માંગો છો, તો નીચે મુજબના સ્ટેપ્સ અનુસરો:
નંબર સેવ કરો: સૌથી પહેલા Zoop ના સત્તાવાર WhatsApp નંબર +91-7042062070 ને તમારા ફોનમાં સેવ કરો અને 'Hi' લખીને મેસેજ મોકલો. તમે ઇચ્છો તો 1323 પર કોલ કરીને પણ ઓર્ડર આપી શકો છો.
PNR નંબર દાખલ કરો: ઓર્ડર માટે તમારો 10-અંકનો PNR નંબર અનિવાર્ય છે. PNR નંબર આપતાની સાથે જ સિસ્ટમ તમારી ટ્રેન, કોચ અને સીટની વિગતો મેળવી લેશે.
સ્ટેશન પસંદ કરો: જે સ્ટેશન પર તમારે ડિલિવરી જોઈએ છે તે સ્ટેશન પસંદ કરો. ખાસ યાદ રાખો કે ટ્રેન તે સ્ટેશન પહોંચે તેના ઓછામાં ઓછા 1 કલાક પહેલા ઓર્ડર આપવો જરૂરી છે.
મેનુ પસંદ કરો: ઉપલબ્ધ રેસ્ટોરન્ટ્સમાંથી તમારા મનપસંદ નાસ્તા, થાળી કે વાનગીઓને કાર્ટમાં ઉમેરો.
પેમેન્ટ અને કન્ફર્મેશન: ઓર્ડરની પુષ્ટિ કર્યા પછી તમે ઓનલાઇન (UPI, કાર્ડ, નેટ બેંકિંગ) અથવા ડિલિવરી સમયે રોકડ (Cash on Delivery) ચૂકવી શકો છો.
ડિલિવરી અને ટ્રેકિંગ :&nbsp;
ઓર્ડર સફળતાપૂર્વક અપાઈ ગયા પછી તમને WhatsApp પર અપડેટ્સ મળતા રહેશે. જેવું તમારું પસંદ કરેલું સ્ટેશન આવશે, ડિલિવરી બોય સીધો તમારી સીટ પર આવીને ગરમાગરમ ભોજન પહોંચાડી દેશે. આ સુવિધાને કારણે હવે મુસાફરોને પ્લેટફોર્મ પર ખાવા માટે દોડાદોડી કરવાની જરૂર નહીં પડે.
ભારતીય રેલવેની આ પહેલથી મુસાફરી વધુ આરામદાયક અને સ્વાદિષ્ટ બનશે તે નક્કી છે.&nbsp;

ટ્રેનમાં ઓનલાઈન જમવાનું ઓર્ડર

IRCTC અને Zoopની નવી સુવિધા: ડોમિનોઝ અને હલ્દીરામ જેવી બ્રાન્ડ્સનું જમવાનું સીધું સીટ પર

March 18, 2026 | 15:35 IST