નીતિન નવીનને BJPના રાષ્ટ્રીય કાર્યકારી પ્રમુખ બનાવ્યા :
ભારતીય જનતા પાર્ટી (BJP) એ એક મોટો સંગઠનાત્મક ફેરફાર કરતાં બિહાર સરકારના મંત્રી અને પાર્ટીના પાયાના કાર્યકર નીતિન નવીનને પાર્ટીના રાષ્ટ્રીય કાર્યકારી અધ્યક્ષ તરીકે નિયુક્ત કર્યા છે. આ નિમણૂક તાત્કાલિક અસરથી અમલમાં મૂકવામાં આવી છે. પાર્ટીના રાષ્ટ્રીય મહાસચિવ અરુણ સિંહ દ્વારા જારી કરાયેલી એક પ્રેસ રિલીઝમાં આ જાહેરાત કરવામાં આવી હતી. નીતિન નવીન હવે કેન્દ્રીય મંત્રી જેપી નડ્ડાનું સ્થાન લેશે, જેમણે જાન્યુઆરી ૨૦૨૦ થી ભાજપના રાષ્ટ્રીય અધ્યક્ષ તરીકે સેવા આપી હતી.
<img style="display: block; margin-left: auto; margin-right: auto;" src="https://ibp-benefits.s3.ap-south-1.amazonaws.com/prod/news/uploads/images/1765722089527_WhatsApp%2520Image%25202025-12-14%2520at%25205.31.16%2520PM.jpeg.jpeg" alt="WhatsApp Image 2025-12-14 at 5.31.16 PM.jpeg" width="300" height="400">
પ્રધાનમંત્રી મોદીએ અભિનંદન પાઠવ્યા :&nbsp;
નિમણૂક બદલ નીતિન નવીનને અભિનંદન આપતા પ્રધાનમંત્રી નરેન્દ્ર મોદીએ જણાવ્યું કે નીતિન નવીન એક યુવાન અને મહેનતુ નેતા છે, જેમનો બિહારમાં મંત્રી તરીકેનો કાર્યકાળ પ્રભાવશાળી રહ્યો છે. તેમણે વધુમાં કહ્યું કે નીતિન નવીન તેમના નમ્ર સ્વભાવ અને વ્યવહારુ કાર્યશૈલી માટે જાણીતા છે. પ્રધાનમંત્રીએ વિશ્વાસ વ્યક્ત કર્યો કે તેમની ઉર્જા અને સમર્પણ આગામી સમયમાં પાર્ટીને વધુ મજબૂત બનાવશે.
કોણ છે નીતિન નવીન?
કાયસ્થ જાતિના નીતિન નવીન, બિહારની રાજનીતિમાં એક મજબૂત પકડ ધરાવે છે. તેઓ ૨૬ વર્ષની ઉંમરે પટના પશ્ચિમ વિધાનસભા બેઠક પરથી પહેલી વાર પેટાચૂંટણી જીત્યા હતા. સીમાંકન બાદ આ બેઠક બાંકીપુર વિધાનસભા મતવિસ્તારમાં રૂપાંતરિત થઈ, જ્યાંથી તેઓ સતત ચૂંટણી જીતતા રહ્યા છે.
સંગઠનમાં તેમનો અનુભવ મોટો છે:
૨૦૦૮: ભારતીય જનતા યુવા મોરચાના રાષ્ટ્રીય કાર્યકારી સમિતિના સભ્ય અને યુવા પાંખના સહ-પ્રભારી તરીકે સેવા આપી.
૨૦૧૦-૨૦૧૩: યુવા મોરચાના રાષ્ટ્રીય મહાસચિવ બન્યા
૨૦૧૬-૨૦૧૯: બિહારમાં યુવા મોરચાના પ્રદેશ પ્રમુખ તરીકે સેવા આપી
૨૦૧૯: સિક્કિમમાં ભાજપના ચૂંટણી પ્રભારી અને સિક્કિમ રાજ્ય ભાજપ સંગઠનના પ્રભારી તરીકે નિયુક્ત થયા
૨૦૨૦ અને ૨૦૨૫: અનુક્રમે શત્રુઘ્ન સિંહાના પુત્ર લવ સિંહા અને આરજેડીના રેખા કુમારીને હરાવીને વિધાનસભા પહોંચ્યા. તેઓ બિહારના માર્ગ બાંધકામ મંત્રી રહી ચૂક્યા છે.
નવીનનો પ્રતિભાવ :
ભાજપના રાષ્ટ્રીય કાર્યકારી અધ્યક્ષ તરીકે નિમણૂક પામ્યા બાદ નીતિન નવીને જણાવ્યું કે આ નિમણૂક પાર્ટીના કાર્યકરોની મહેનતનું પરિણામ છે. તેમણે કહ્યું કે જ્યારે તમે સમર્પિત કાર્યકર તરીકે કામ કરો છો, ત્યારે પાર્ટીના વરિષ્ઠ નેતાઓ હંમેશા તેની નોંધ લે છે, અને તેઓ તેમની સાથે નજીકથી કામ કરવાનું ચાલુ રાખશે.

નીતિન નવીનને BJPના રાષ્ટ્રીય કાર્યકારી પ્રમુખ તરીકે તાત્કાલિક અસરથી નિયુક્ત કરાયા

December 15, 2025 | 01:22 IST