દારૂબંધીવાળા નાગાલેન્ડમાં ભેળસેળયુક્ત દારૂના સેવનથી 19 મોત, પોલીસ સામે ઉઠ્યા સવાલો

Nagaland Spurious Liquor Deaths: નાગાલેન્ડમાં શંકાસ્પદ ભેળસેળયુક્ત અથવા ગેરકાયદેસર દારૂના સેવન બાદ ઓછામાં ઓછા 19 લોકોના મોતનો મામલો સામે આવ્યો છે. છેલ્લા બે દિવસમાં મોકોકચુંગ અને તુએનસાંગ જિલ્લામાં આ મોત નોંધાયા હોવાનું પોલીસે જણાવ્યું છે. ઘટનાને પગલે નાગાલેન્ડ પોલીસે Special Investigation Team (SIT)ની રચના કરી છે. મૃત્યુનું ચોક્કસ કારણ જાણવા માટે દારૂના નમૂનાઓ forensic પરીક્ષણ માટે ગુવાહાટી મોકલવામાં આવ્યા છે. પોલીસના જણાવ્યા અનુસાર, મોકોકચુંગ જિલ્લામાં 8 લોકોના મોત થયા છે, જ્યારે તુએનસાંગ જિલ્લામાં 11 લોકોના મોત નોંધાયા છે. પોલીસ શંકાસ્પદ દારૂના સ્ત્રોત, સપ્લાય ચેઇન અને તેના ઉત્પાદન, પરિવહન તથા વેચાણ સાથે સંકળાયેલા લોકોની તપાસ કરી રહી છે. જોકે, દારૂના કારણે જ મોત થયા છે કે અન્ય કોઈ કારણ જવાબદાર છે, તે forensic રિપોર્ટ બાદ વધુ સ્પષ્ટ થશે.

નાગાલેન્ડમાં 19 મોત બાદ SITની રચના
વરિષ્ઠ પોલીસ અધિક્ષક વેસુપ્રા કેજોના જણાવ્યા અનુસાર, આ સમગ્ર મામલાની તપાસ માટે અધિક પોલીસ અધિક્ષક I. બુંગલાંગ ચાંગના નેતૃત્વમાં SIT બનાવવામાં આવી છે. SITનું મુખ્ય કામ શંકાસ્પદ ભેળસેળયુક્ત દારૂનો સ્ત્રોત શોધવો અને તેની સપ્લાય ચેઇન સુધી પહોંચવાનું છે. પોલીસ તપાસમાં કેટલાક મહત્વના સંકેતો મળ્યા હોવાનું જણાવાયું છે, પરંતુ હાલ તેની વિગતો જાહેર કરવામાં આવી નથી. દારૂના સેમ્પલ forensic તપાસ માટે ગુવાહાટી મોકલવામાં આવ્યા છે, જેથી મૃત્યુનું વૈજ્ઞાનિક કારણ જાણી શકાય.

19 લોકોની ધરપકડ, લગભગ 3,000 દારૂની બોટલ જપ્ત
શંકાસ્પદ દારૂના કેસમાં પોલીસે અનેક સ્થળોએ દરોડા પાડ્યા છે. આ કાર્યવાહી દરમિયાન 19 લોકોની ધરપકડ કરવામાં આવી છે અને લગભગ 3,000 દારૂની બોટલો જપ્ત કરવામાં આવી હોવાનું અહેવાલોમાં જણાવાયું છે. પોલીસ હવે જપ્ત કરાયેલા દારૂનો સ્ત્રોત, તેની સપ્લાય ચેઇન અને તેને અન્ય વિસ્તારોમાં પહોંચાડવામાં આવ્યો હતો કે નહીં તેની તપાસ કરી રહી છે. તપાસનો એક મહત્વનો હિસ્સો આ ગેરકાયદેસર દારૂના નેટવર્ક સાથે સંકળાયેલા અન્ય લોકોની ઓળખ કરવાનો પણ છે.

નાગાલેન્ડમાં 1990થી દારૂબંધી, છતાં ગેરકાયદેસર દારૂની તપાસ
નાગાલેન્ડમાં Liquor Total Prohibition Act 1989 હેઠળ 1990થી દારૂના ઉત્પાદન, વેચાણ, ખરીદી, કબજા અને સેવન પર પ્રતિબંધનો કાયદો અમલમાં છે. રાજ્યના સત્તાવાર દસ્તાવેજો મુજબ આ કાયદો 13 એપ્રિલ 1990થી અમલમાં આવ્યો હતો. હાલની ઘટનામાં પોલીસ હવે આ દારૂબંધી હોવા છતાં શંકાસ્પદ ગેરકાયદેસર દારૂની સપ્લાય કેવી રીતે થઈ રહી હતી તેની પણ તપાસ કરી રહી છે.

અજાણ્યા અને લેબલ વગરના દારૂથી સાવધાન રહેવાની અપીલ
પોલીસ અને સ્થાનિક વહીવટીતંત્રે લોકોને અજાણ્યા, લેબલ વગરના અથવા શંકાસ્પદ સ્ત્રોતમાંથી મળતા દારૂનું સેવન ન કરવાની અપીલ કરી છે. દારૂ પીધા બાદ ચક્કર આવવા, ઝાંખું દેખાવું, શ્વાસ લેવામાં તકલીફ, ગંભીર માથાનો દુખાવો અથવા બેભાન થવા જેવા લક્ષણો જણાય તો તાત્કાલિક તબીબી સારવાર લેવાની સલાહ આપવામાં આવી છે. નાગાલેન્ડમાં શંકાસ્પદ દારૂના સેવન બાદ 19 મોતના કેસમાં હવે પોલીસની SIT તપાસ આગળ વધી રહી છે. forensic રિપોર્ટ અને તપાસના આગામી તારણો બાદ મૃત્યુનું ચોક્કસ કારણ તથા શંકાસ્પદ દારૂની સપ્લાય ચેઇન અંગે વધુ માહિતી સામે આવી શકે છે.