ગોવાના &lsquo;બિર્ચ બાય રોમિયો લેન&rsquo; નાઇટક્લબમાં થયેલા ભીષણ અગ્નિકાંડના આરોપી અને માલિકો લુથરા બંધુઓ (સૌરભ અને ગૌરવ લુથરા) થાઇલેન્ડથી ડિપોર્ટ થયા બાદ આજે ભારતીય કાયદાનો સામનો કરવા તૈયાર છે. આ દુર્ઘટનામાં 25 જેટલા લોકોનાં કરુણ મોત થયા હતા. થાઇલેન્ડના અધિકારીઓ દ્વારા ડિપોર્ટેશન પ્રક્રિયા પૂર્ણ થયા બાદ લુથરા બંધુઓ આજે દિલ્હી પહોંચ્યા છે.
રિપોર્ટ્સ અનુસાર, આર્પોરા સ્થિત નાઇટક્લબમાં આગ લાગી તે દરમિયાન જ આ બંને ભાઈઓ દિલ્હીથી થાઇલેન્ડના ફૂકેટ ભાગી ગયા હતા. તેમની સામે ઇન્ટરપોલ દ્વારા બ્લુ કોર્નર નોટિસ જાહેર કરવામાં આવી હતી. કેન્દ્ર સરકારે તેમના ભારતીય પાસપોર્ટ સસ્પેન્ડ કર્યા બાદ થાઇલેન્ડ પોલીસે તેમની બેંગકોકની ડિટેન્શન સેન્ટરમાંથી અટકાયત કરી હતી. આજે બપોરે તેઓ ભારત પહોંચશે.&nbsp;
દિલ્હીમાં કાયદાકીય પ્રક્રિયા
ગોવા પોલીસની એક ટીમ, દિલ્હી પોલીસના અધિકારીઓની મદદથી, એરપોર્ટ પર બંને ભાઈઓની કસ્ટડી લેશે. ગોવાના અધિકારક્ષેત્રની બહાર ધરપકડ અને કસ્ટડી ટ્રાન્સફર થતી હોવાથી, આરોપીઓને દિલ્હી કોર્ટ સમક્ષ રજૂ કરવામાં આવશે. તપાસ એજન્સી કોર્ટમાં ટ્રાન્ઝિટ રિમાન્ડ માંગશે, જેથી તેમને ગોવાના અંજુના પોલીસ સ્ટેશન લઈ જઈ વધુ પૂછપરછ કરી શકાય. એવું માનવામાં આવે છે કે 17 ડિસેમ્બરના રોજ તેમને માપુસા મેજિસ્ટ્રેટ કોર્ટ સમક્ષ રજૂ કરવામાં આવી શકે છે.
ગંભીર બેદરકારીનો કેસ દાખલ
ગોવા પોલીસે 7 ડિસેમ્બરના રોજ આર્પોરા અંજુના પોલીસ સ્ટેશનમાં ભારતીય ન્યાય સંહિતા 2023ની કલમ 105, 125,125(A), 125(B), અને 289 સાથે કલમ 3(5) હેઠળ ગુનો દાખલ કર્યો છે. એફઆઈઆર મુજબ, આરોપીઓએ યોગ્ય સાવચેતીઓ અને ફાયર સેફ્ટી ઉપકરણો વિના ક્લબમાં ફાયર શોનું આયોજન કર્યું હતું. એફઆઈઆરમાં એ પણ જણાવાયું છે કે, ક્લબના ગ્રાઉન્ડ કે ડેક ફ્લોર પર ઇમરજન્સી બહાર નીકળવાના દરવાજા ન હોવા છતાં લુથરા બંધુઓએ ફાયર શોનું આયોજન કર્યું હતું, જે ગંભીર બેદરકારી દર્શાવે છે.
ગયા સપ્તાહે દિલ્હીની કોર્ટે લુથરા બંધુઓને વચગાળાનું રક્ષણ આપવાનો ઇનકાર કરી દીધો હતો. જોકે, તેમના બિઝનેસ પાર્ટનર અજય ગુપ્તાની અગાઉ જ ધરપકડ કરવામાં આવી હતી.

લુથરા બ્રથર્સ આજે થશે ધરપકડ

બિર્ચ નાઇટક્લબના માલિકો સૌરભ-ગૌરવ લુથરા ફરાર થયા બાદ આજે  દિલ્હી પહોંચશે.

December 16, 2025 | 18:10 IST