પ્રભુ શ્રીરામની નીતિ નવા ભારતની નીતિ બની ગઈ છે: PM મોદી

ઓપરેશન સિંદૂરની સફળતા પછી પહેલી વાર બિહાર પહોંચેલા વડાપ્રધાન નરેન્દ્ર મોદીએ શુક્રવારે બિક્રમગંજમાં એક જાહેર સભાને સંબોધિત કરતી વખતે પાકિસ્તાનને ચેતવણી આપી હતી અને કહ્યું હતું કે, ભગવાન શ્રી રામની પરંપરા નવા ભારતની નીતિ બની ગઈ છે.

'પ્રાણ જાયે પર વચનના જાયે'ની ચર્ચા કરતા PM મોદીએ કહ્યું કે, પહેલગામમાં થયેલા આતંકવાદી હુમલા પછી, મેં બિહારની ધરતી પરથી જ આતંકવાદને ચેતવણી આપી હતી અને ઓપરેશન સિંદૂર દ્વારા તે વચન પૂર્ણ કર્યા પછી હું અહીં આવ્યો છું. એક મહત્વપૂર્ણ જાહેર સભાને સંબોધતા તેમણે કહ્યું કે, જમ્મુ અને કાશ્મીરના પહેલગામમાં આતંકવાદી હુમલો થયો હતો, જેમાં ઘણા નિર્દોષ નાગરિકો માર્યા ગયા હતા. આ જઘન્ય આતંકવાદી હુમલાના એક દિવસ પછી હું બિહાર આવ્યો હતો અને મેં બિહારની ધરતી પરથી દેશને વચન આપ્યું હતું કે, બિહારની ધરતી પર, અમે આંખોમાં જોઈને કહ્યું હતું કે, આતંકવાદના માસ્ટરના ઠેકાણાઓને જમીનદોસ્ત કરવામાં આવશે.

તેમણે કહ્યું કે, "બિહારની ધરતી પર, મેં કહ્યું હતું કે તેમને કલ્પના કરતાં પણ મોટી સજા મળશે. આજે, જ્યારે હું બિહાર આવ્યો છું, ત્યારે હું મારું વચન પૂરું કરીને આવ્યો છું. આ લોકોએ પાકિસ્તાનમાં બેસીને આપણી બહેનોના સિંદૂરનો નાશ કર્યો હતો. આપણી સેનાએ તેમના ઠેકાણાઓને ખંડેરમાં ફેરવી દીધા છે. આ નવું ભારત છે, આ નવા ભારતની તાકાત છે."

વડાપ્રધાન મોદીએ વધુમાં કહ્યું કે, આજે દુનિયાએ જોયું છે કે આપણી દીકરીઓના સિંદૂરમાં શું શક્તિઓ છે, દેશે જોયું છે, દુનિયાએ પણ જોયું છે. આતંકવાદીઓ પાકિસ્તાની સેનાના રક્ષણ હેઠળ પોતાને સુરક્ષિત માનતા હતા, પરંતુ ભારતીય સેનાએ તેમને એક જ ઝાટકે ઘૂંટણિયે પાડી દીધા છે. અમે થોડા જ સમયમાં પાકિસ્તાનના એરબેઝ અને લશ્કરી ઠેકાણાઓનો નાશ કર્યો. આ નવું ભારત છે અને નવા ભારતની તાકાત છે.

તેમણે કહ્યું કે, બિહારના સેંકડો યુવાનો સુરક્ષા માટે સેના અને BSFમાં પોતાની યુવાની વિતાવે છે. દેશ અને દુનિયાએ ઓપરેશન સિંદૂરમાં BSFની અભૂતપૂર્વ બહાદુરી અને અદમ્ય હિંમત જોઈ છે. આ BSF સરહદ પર એક અભેદ્ય ખડક છે. તેમણે શહીદ ઇમ્તિયાઝને શ્રદ્ધાંજલિ પણ આપી અને તેમને નમન પણ કર્યા હતા. આ પ્રસંગે પીએમ મોદીએ એમ પણ કહ્યું કે, ભાણામાંથી ફક્ત એક જ તીર કાઢવામાં આવ્યું છે. આતંકવાદ સામેની લડાઈ હજી સુધી અટકી નથી. જો આતંકવાદ બહાર આવશે, તો તેને તેના ખાડામાંથી બહાર કાઢીને કચડી નાખવામાં આવશે.

આ પહેલા, વડાપ્રધાન નરેન્દ્ર મોદીએ 48,520 કરોડ રૂપિયાથી વધુના અનેક વિકાસ પ્રોજેક્ટ્સનું ઉદ્ઘાટન, શિલાન્યાસ અને સમર્પિત કર્યું.