India Justice Report 2025 : કાયદો અને વ્યવસ્થામાં કયા રાજ્યએ મારી બાજી?

આ વર્ષનો ઇન્ડિયા જસ્ટિસ રિપોર્ટ (India Justice Report 2025) જાહેર કરવામાં આવ્યો છે, જે દેશના વિવિધ રાજ્યોમાં કાર્યરત ઔપચારિક ન્યાય પ્રણાલીની ક્ષમતાનું મૂલ્યાંકન કરે છે. આ રિપોર્ટ તૈયાર કરવા માટે સરકાર પોતાના આંકડાઓનો ઉપયોગ કરીને એક ચોક્કસ પરિમાણાત્મક સૂચકાંક બનાવે છે. આ રિપોર્ટમાં દેશના રાજ્યોને પોલીસિંગ અને ન્યાય વિતરણના ક્ષેત્રમાં રેન્ક આપવામાં આવે છે. ઇન્ડિયા જસ્ટિસ રિપોર્ટ (India Justice Report 2025)નો આ ચોથો તબક્કો તાજેતરમાં જારી કરવામાં આવ્યો છે. ચાલો જોઈએ કયા રાજ્યને કેટલો સ્કોર મળ્યો છે અને કયું રાજ્ય કયા સ્થાન પર છે.

આ રિપોર્ટ સતત એ વાત પર પ્રકાશ પાડે છે કે ગુના સામે લડવા અને ન્યાય આપવાની પ્રક્રિયામાં કયા રાજ્યો અગ્રેસર છે અને કયા રાજ્યો પાછળ રહી ગયા છે.

રાજ્ય - સ્કોર (10 માંથી)

કર્ણાટક - 6.78
આંધ્ર પ્રદેશ - 6.32
તેલંગાણા - 6.15
કેરળ - 6.09
તમિલનાડુ - 5.62
છત્તીસગઢ - 5.54
મધ્ય પ્રદેશ - 5.42
ઓડિશા - 5.41
પંજાબ - 5.33
મહારાષ્ટ્ર - 5.12
ગુજરાત - 5.07
હરિયાણા - 5.02
બિહાર - 4.88
રાજસ્થાન - 4.83
ઝારખંડ - 4.78
ઉત્તરાખંડ - 4.41
ઉત્તર પ્રદેશ - 3.92
પશ્ચિમ બંગાળ - 3.63

રિપોર્ટ સ્પષ્ટપણે દર્શાવે છે કે પોલીસિંગ અને ન્યાય વિતરણના મામલે દક્ષિણ ભારતના રાજ્યો સૌથી સર્વોત્તમ છે. દક્ષિણના પાંચ રાજ્યોએ આ વખતે બાજી મારી છે.

સૌથી ટોચ પર :

ન્યાયતંત્રના મામલે કેરળ સૌથી અવ્વલ છે. પોલીસિંગ, ન્યાય અને જેલ વ્યવસ્થાપનના મામલે કર્ણાટક પ્રથમ સ્થાને છે.

સૌથી નીચે : 

પોલીસિંગ અને ન્યાયતંત્રના મામલે પશ્ચિમ બંગાળ સૌથી પછાત છે. પોલીસિંગ, ન્યાય અને જેલ વ્યવસ્થાપનના મામલે પણ પશ્ચિમ બંગાળ સૌથી નીચલા સ્થાને છે.

આ રિપોર્ટ દેશના વિવિધ રાજ્યોની ન્યાય પ્રણાલીની વાસ્તવિક તસવીર રજૂ કરે છે, જેના આધારે જે રાજ્યો ઓછા પ્રદર્શન કરી રહ્યા છે તેઓ પોતાની કાર્યક્ષમતા સુધારવા માટે પ્રેરણા મેળવી શકે છે. આ આંકડાઓ દર્શાવે છે કે કેટલાક રાજ્યો કાયદો અને વ્યવસ્થા જાળવવામાં અને ન્યાય આપવામાં ખૂબ જ સક્ષમ છે, જ્યારે કેટલાક રાજ્યોને આ દિશામાં વધુ ધ્યાન આપવાની જરૂર છે.

આ પણ વાંચો : Justice BR Gavai બનશે દેશના નવા ચીફ જસ્ટિસ, CJI સંજીવ ખન્નાએ કરી ભલામણ

આપ અમારી WhatsApp ચેનલ સાથે પણ જોડાઇ શકો છો