BIG BREAKING : મોદી સરકારનો પાકિસ્તાનને ખુલ્લો પડકાર, આતંકવાદ હવે યુદ્ધ, મળશે જડબાતોડ જવાબ

ભારત અને પાકિસ્તાન વચ્ચે ચાલી રહેલા તણાવપૂર્ણ સંબંધો વચ્ચે ભારત સરકારનું એક મોટું અને મક્કમ નિવેદન સામે આવ્યું છે. મોદી સરકારે સ્પષ્ટ શબ્દોમાં જણાવ્યું છે કે, ભારતે હવે એવો નિર્ણય લીધો છે કે ભવિષ્યમાં કોઈપણ આતંકવાદી હુમલાને ભારત વિરુદ્ધ યુદ્ધની કાર્યવાહી તરીકે ગણવામાં આવશે. અને તે જ અનુસાર આતંક ફેલાવનારા દુશ્મન દેશને સખત જવાબ આપવામાં આવશે.

આતંક વિરુદ્ધ ભારતનું 'ઓપરેશન સિંદૂર'...

ભારતે પાકિસ્તાનની આતંકની ફેક્ટરીને ખતમ કરવા માટે 7 મે, 2025 ના રોજ 'ઓપરેશન સિંદૂર' હેઠળ કાર્યવાહી કરી છે. પાકિસ્તાન વિરુદ્ધ ભારતની આ કાર્યવાહી હજી પણ ચાલુ છે. ભારતે આ ઓપરેશનમાં પાકિસ્તાનના આતંકવાદી ઠેકાણાઓ પર ભીષણ હુમલા કર્યા છે. જેમાં જૈશ-એ-મોહમ્મદ (JeM), લશ્કર-એ-તૈયબા (LeT), અને હિઝબુલ મુજાહિદ્દીન જેવા આતંકવાદી સંગઠનોના આકાઓ અને સરગનાઓને નિશાન બનાવવામાં આવ્યા છે. તેમના આતંકવાદી કેમ્પને સંપૂર્ણપણે ધ્વસ્ત કરી દેવામાં આવ્યા છે.

ભારતે પાકિસ્તાનના અનેક સૈન્ય ઠેકાણાં ધ્વસ્ત કર્યા...

ભારત અને પાકિસ્તાન વચ્ચે હવે હવાઈ હુમલા અને ગોળીબારી પહેલાં કરતાં પણ વધુ તીવ્ર બની ગઈ છે. ભારતે પાકિસ્તાનના અનેક મહત્વપૂર્ણ સૈન્ય ઠેકાણાઓને બોમ્બમારો કરીને ઉડાવી દીધા છે. ભારતે પાકિસ્તાનના તમામ હુમલાઓને સંપૂર્ણપણે નિષ્ફળ બનાવી દીધા છે.

પાકિસ્તાની હુમલાઓને ભારતે કર્યા નિષ્ફળ...

પાકિસ્તાન ભારતના ઘણા શહેરોમાં ડ્રોન મોકલી રહ્યું છે. પરંતુ ભારત આ તમામ ડ્રોનને હવામાં જ તોડી પાડી રહ્યું છે. આની સાથે જ ભારતે પાકિસ્તાનની અનેક મિસાઇલોને પણ સફળતાપૂર્વક તોડી પાડી છે.