ઉત્તર પ્રદેશના બારાબંકી જિલ્લામાં આવેલા પૂર્વાંચલ એક્સપ્રેસ-વે પર બુધવારે રતૌલી ઢીહ પાસે એક દુર્ઘટના સર્જાઈ હતી. આ દુર્ઘટનામાં રસ્તાના કિનારે ઊભેલી વેગન આર કારને પાછળથી પૂરઝડપે આવતી એક બ્રેઝા &nbsp;કારે ટક્કર મારી હતી. ટક્કર એટલી પ્રચંડ હતી કે, વેગન આર કાર આશરે 200 મીટર દૂર સુધી ઘસડાઈ ગઈ અને તેમાં તરત જ ભીષણ આગ લાગી ગઈ.
કારના દરવાજાના લોક ન ખૂલ્યા
આ અકસ્માત સમયે વેગેન આર કારમાં સવાર કેટલાક લોકો પાણી પીવા માટે બહાર ઊભા હતા, જ્યારે અન્ય કેટલાક લોકો અંદર બેઠા હતા. ટક્કરના કારણે કારના દરવાજાના લોક ન ખૂલવાને કારણે અંદર ફસાયેલા 5 લોકો જીવતા સળગી ગયા હતા. કારમાં ફસાયેલા લોકો બચવા માટે ચીસો પાડતા રહ્યા, પરંતુ કોઈ તેમની મદદ કરી શક્યું નહિ. આ 5 મૃતકોમાં પતિ, પત્ની, 2 પૂત્રી અને 1 પુત્રનો સમાવેશ થાય છે. તેઓ મઉ જિલ્લાના ઘોસી વિસ્તારના ખાનપુર ગામના રહેવાસી હતા.
સ્થાનિકોએ ઈજાગ્રસ્તોને બહાર કાઢ્યા
જ્યારે કારમાં સવાર 2 મહિલાઓ અને 3 બાળકો સહિત 5 લોકો જીવતા સળગી જવાથી મૃત્યુ પામ્યા હતા, ત્યારે બ્રેઝા કારમાં સવાર 4 લોકો અને વેગન આર કારમાંથી બહાર નીકળેલા એક વ્યક્તિ સહિત 5 લોકો ઈજાગ્રસ્ત થયા હતા. ટક્કરની તીવ્રતા એટલી વધારે હતી કે, કારમાં બેઠેલા કેટલાક લોકો 20 મીટર દૂર સુધી ફેંકાઈ ગયા હતા, અને મૃતદેહોના અંગો એક્સપ્રેસ-વે પર વિખરાઈ ગયા હતા. સ્થાનિકોએ તરત જ ઈજાગ્રસ્તોને બહાર કાઢ્યા અને પોલીસને સૂચના આપી.
અકસ્માત બાદ ટ્રાફિકને નિયંત્રિત કર્યો
પોલીસ અધિક્ષક અર્પિત વિજયવર્ગીયના જણાવ્યા મુજબ, એક કારનો નંબર ગાઝિયાબાદનો અને બીજી કારનો નંબર દિલ્હીનો છે. વેગન આર કારમાં સવાર પરિવાર પાણી પીવા માટે ઊભો હતો, ત્યારે પાછળથી બ્રેઝા કાર ટકરાઈ હતી. કુલ 9 લોકો બન્ને વાહનોમાં સવાર હતા. ઈજાગ્રસ્તોને શરૂઆતમાં CHC હૈદરગઢમાં દાખલ કરાયા હતા, પરંતુ 2 લોકોની નાજુક હાલત જોતા તેમને વધુ સારવાર માટે લખનઉ રીફર કરવામાં આવ્યા છે. પોલીસે ઘટના સ્થળે પહોંચીને તપાસ હાથ ધરી હતી અને અકસ્માત બાદ ટ્રાફિક જામને નિયંત્રિત કર્યો હતો.

આગ લાગતા 5 લોકોના મોત

પૂર્વાંચલ એક્સપ્રેસ-વે પર ઊભેલી વેગન આર કારને પાછળથી આવતી કારે ટક્કર મારતાં કારમાં આગ લાગી

December 10, 2025 | 22:57 IST