કેદારનાથ નજીક હેલિકોપ્ટર થયું ક્રેશ, પાઇલટ સહિત 5 યાત્રાળુઓના મોત

આજે સવારે લગભગ 5:20 વાગ્યે ઉત્તરાખંડના કેદારનાથ નજીક ગૌરી કુંડ વિસ્તારમાં એક ભયાનક હેલિકોપ્ટર દુર્ઘટના બની હતી. હેલિકોપ્ટર ક્રેશમાં પાઇલટ સહિત કુલ 5 લોકોના મોત થયા છે, જેમાં એક બાળકનો પણ સમાવેશ થાય છે. મૃતકોની ઓળખ રાજવીર-પાયલટ, વિક્રમ રાવત, વિનોદ, તૃષ્ટિ સિંહ, રાજકુમાર, શ્રદ્ધા અને રાશિ તરીકે થઈ છે.  તેમાંથી 41 વર્ષીય રાજકુમાર સુરેશ જાયસવાલ ગુજરાતનો વતની હતો.  હેલિકોપ્ટરમાં કુલ 6 યાત્રાળુઓ સવાર હતા.

આ હેલિકોપ્ટર કેદારનાથ મંદિરથી ગૌરી કુંડ તરફ મુસાફરોને લઈ જઈ રહ્યું હતું. હવામાન ખરાબ હોવાથી અકસ્માત થયો હોવાનું પ્રારંભિક અનુમાન છે. દુર્ઘટના ગ્રસ્ત હેલિકોપ્ટર આર્યન એવિએશન કંપનીનું હતું.

ઉત્તરાખંડ નાગરિક ઉડ્ડયન વિકાસ સત્તામંડળ (UCADA) અનુસાર, મુસાફરો ગુજરાત, મહારાષ્ટ્ર, ઉત્તર પ્રદેશ અને ઉત્તરાખંડમાંથી હતા. ઘટનાની જાણ થતાં જ NDRF અને SDRFની ટીમોને તાત્કાલિક ગૌરીકુંડથી રવાના કરવામાં આવી છે અને બચાવ કામગીરી ચાલી રહી છે.

ઉત્તરાખંડના મુખ્યમંત્રી પુષ્કર સિંહ ધામીએ દુઃખ વ્યક્ત કરતાં જણાવ્યું કે, "રુદ્રપ્રયાગમાં થયેલી હેલિકોપ્ટર દુર્ઘટનાનું દુઃખદ સમાચાર મળ્યા છે. SDRF, સ્થાનિક વહીવટીતંત્ર અને અન્ય બચાવ દળો ઘટના સ્થળે રાહત કામગીરીમાં જોડાયેલા છે. હું દરેક યાત્રાળુની સલામતી માટે પ્રાર્થના કરું છું."

ગુતેલાના 8 દિવસ પહેલાં પણ રુદ્રપ્રયાગ વિસ્તારમાં એક હેલિકોપ્ટરનું ઈમરજન્સી લેન્ડિંગ કરાયું હતું, જે એ વિસ્તારની દયનીય હવામાન સ્થિતિને સ્પષ્ટ કરે છે.