ગુજરાતના વાતાવરણમાં ફરી એકવાર મોટો પલટો આવ્યો છે. દિવાળીની ઉજવણી પૂરી થઈ નથી ત્યાં મેઘરાજાએ ફરી પધરામણીના સંકેતો આપ્યા છે. હવામાન વિભાગ તરફથી ગુજરાત રાજ્ય માટે આગામી દિવસોમાં ગાજવીજ સાથે વરસાદની સત્તાવાર આગાહી કરવામાં આવી છે. આ પરિવર્તનનું મુખ્ય કારણ છે અરબી સમુદ્રમાં સર્જાયેલું 'ડીપ ડિપ્રેશન', જે ધીમે-ધીમે ઉત્તરપૂર્વ તરફ આગળ વધી રહ્યું છે. આ સિસ્ટમની સીધી અસર ખાસ કરીને ગુજરાત અને સૌરાષ્ટ્રના દરિયાકાંઠાના વિસ્તારો પર જોવા મળશે, જ્યાં પવનની ગતિમાં વધારો થવા સાથે હળવાથી મધ્યમ અને અમુક વિસ્તારોમાં ભારે વરસાદ પડવાની પૂરી સંભાવના છે. આ વરસાદ ખેડૂતો અને સામાન્ય જનજીવન બંને માટે ચિંતાનો વિષય છે.
માછીમારોને આગામી 5 દિવસ દરિયો ન ખેડવા સૂચના
દરિયાકાંઠાના વિસ્તારોમાં તકેદારીના પગલાં રૂપે વહીવટી તંત્ર સક્રિય બન્યું છે. સુરક્ષાને ધ્યાનમાં રાખીને જાફરાબાદ બંદર પર 1 નંબરનું ભયસૂચક સિગ્નલ લગાવી દેવાયું છે. માછીમારોને આગામી 5 દિવસ સુધી દરિયો ન ખેડવા માટે સ્પષ્ટ સૂચના આપી દેવામાં આવી છે. કોઈપણ અનિચ્છનીય બનાવ ન બને તે માટે તંત્ર પૂરી તૈયારી કરી રહ્યું છે. હવામાન વિભાગની આગાહી મુજબ, આજે એટલે કે 24 ઓક્ટોબરના રોજ દાહોદ, છોટાઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, અમરેલી, ભાવનગર અને ગીર સોમનાથમાં છૂટાછવાયા વરસાદની સંભાવના છે.&nbsp;
આ પણ વાંચો:<a href="https://www.benefitnews24.com/gujarati/general/rain-forecast-in-south-gujarat-during-diwali-alert-for-travelers/21015" target="_blank" rel="noopener"> </a><a href="https://www.benefitnews24.com/gujarati/general/rain-forecast-in-south-gujarat-during-diwali-alert-for-travelers/21015" target="_blank" rel="noopener">દક્ષિણ ગુજરાતમાં દિવાળી ટાણે વરસાદની આગાહી</a>
26 ઓક્ટોબરે વરસાદનું જોર વધવાની શક્યતા
આ પૈકી કેટલાક જિલ્લાઓમાં ગાજવીજ સાથે પણ વરસાદ પડી શકે છે. પરંતુ, વાસ્તવિક ચિંતા આગામી 2 દિવસની છે. આવતીકાલે, 25 ઓક્ટોબરના રોજ દક્ષિણ ગુજરાત અને સૌરાષ્ટ્રના કેટલાક વિસ્તારોમાં ભારે વરસાદની આગાહી છે, જેમાં સુરત, નવસારી, ડાંગ, વલસાડ, ગીર સોમનાથ, અમરેલી અને ભાવનગરનો સમાવેશ થાય છે. 26 ઓક્ટોબરે આ વરસાદનું જોર વધવાની શક્યતા છે અને ભરૂચ, સુરત, નવસારી, ડાંગ, વલસાડ, ગીર સોમનાથ, અમરેલી, ભાવનગર, જૂનાગઢ, રાજકોટ અને પોરબંદરમાં ભારેથી અતિભારે વરસાદ ત્રાટકી શકે છે.
આંદામાન અને નિકોબારના ટાપુઓ પર ચક્રવાત'ની થશે અસર
અહીં નોંધનીય છે કે, અરબી સમુદ્રની આ સિસ્ટમની સાથે-સાથે બંગાળની ખાડીમાં પણ એક 'ચક્રવાત'ની ચેતવણી જાહેર કરવામાં આવી છે, જે આંદામાન અને નિકોબાર ટાપુઓ પર સૌથી વધુ અસર કરશે. હવામાન વિભાગે સ્પષ્ટતા કરી છે કે, આ ચક્રવાતની અસર માત્ર ટાપુઓ પૂરતી સીમિત નહિ રહે, પરંતુ તેની વ્યાપક અસર દક્ષિણ દ્વીપકલ્પ, પૂર્વ, ઉત્તરપૂર્વ, મધ્ય ભારત, પશ્ચિમ ભારત અને ઉત્તર ભારતના અનેક વિસ્તારોમાં ફેલાશે.&nbsp;
અનેક રાજ્યોમાં જોવા મળશે અસર
કેરળ, તમિલનાડુ, આંધ્રપ્રદેશ, કર્ણાટક, ઓડિશા, મહારાષ્ટ્ર, છત્તીસગઢ, ગોવા, જમ્મુ અને કાશ્મીર, ઉત્તરાખંડ અને હિમાચલ પ્રદેશ જેવા રાજ્યોમાં પણ આ ચક્રવાતની અસર જોવા મળી શકે છે. આંદામાન અને નિકોબાર ટાપુઓથી શરૂ કરીને આ ચક્રવાતની ગતિવિધિ કેરળ થઈને રાજસ્થાન, મધ્યપ્રદેશ, મહારાષ્ટ્ર, ઓડિશા અને હિમાચલ પ્રદેશ સુધી પણ અસરની સંભાવના છે.&nbsp;

'ડીપ ડિપ્રેશન' સક્રિય

'ડીપ ડિપ્રેશન' સક્રિય થતાં હવામાન વિભાગે 24થી 26 ઓક્ટોબર દરમિયાન ફરી એકવાર વરસાદની આગાહી

October 24, 2025 | 11:26 IST