ગૂગલ મેપે ફરી લોચો માર્યો!

 ગુજરાતના પાલનપુરથી જિમ કાર્બેટ પાર્ક ફરવા જઈ રહેલાં પરિવારની કાર ગૂગલ મેપના ખોટા લોકેશનના કારણે ખાડામાં ફસાઈ ગઈ હતી. કાર નગીનાના મઝલેટા બજારમાં પહોંચ્યા બાદ પાણી પુરવઠા વિભાના ખોદેલા ખાડામાં ફસાઈ ગઈ. બાદમાં લગભગ એક કલાકની મહેનત બાદ સ્થાનિકોએ કારને ખાડામાંથી બહાર કાઢી હતી. ત્યારબાદ સ્થાનિક લોકો દ્વારા તેઓને હરિદ્વાર-કાશીપુર હાઇવે પહોંચાડી નૈનીતાલ જવા માટે રવાના કર્યા હતાં.

કાર ચાલકે સમગ્ર ઘટના વિશે કહ્યું કે, ગૂગલ મેપએ અમને ખોટો રસ્તો બતાવીને ભટકાવ્ચા હતાં. હું પરિવાર સાથે કાર દ્વારા જિમ કાર્બેટ પાર્ક ફરવા જઈ રહ્યો હતો.  ટૂરિસ્ટ કારમાં ત્રણ મહિલા સહિત છ લોકો સવાર હતાં. અમે ગૂગલ મેપની મદદથી દિલ્હી થઈને હરિદ્વાર-કાશીપુર ફોરલેનથી જઈ રહ્યા હતાં. 

નગીના બાઇપાસથી ગૂગલ મેપ દ્વારા ખોટો રસ્તો બતાવવાના કારણે તેમની કાર મંગળવારે બપોરે બે વાગ્યે નગીનામાં મહોલ્લા મઝલેટા બજાર પહોંચી ગઈ. આ દરમિયાન તેઓની કાર પાણી પુરવછાઠા વિભાગ દ્વારા ખોદકામ કરાયું હતું તેવા સાંકડા રસ્તામાં ફસાઈ ગઈ. લગભગ એક કલાક સુધી પરિવાર પરેશાન થયો અને બાદમાં સ્થાનિકોની મદદથી કારને બહાર કાઢવામાં આવી. ધીમે-ધીમે કારને બજારની બહાર કાઢવામાં આવી અને બાદમાં સ્થાનિક લોકોએ તેઓને હરિદ્વાર-કાશીપુર હાઇવે સુધી પહોંચાડવામાં મદદ કરી.