Delhi Election : 'બિધુરીનો ભત્રીજો ગુંડાગીરીમાં લિપ્ત'; AAP નેતાઓના BJP પર પ્રહાર...

દિલ્હી વિધાનસભા ચૂંટણી 2025 (Delhi Election) ના ચૂંટણી જંગમાં આ દિવસોમાં શાબ્દિક યુદ્ધ ચાલી રહ્યું છે. AAP અને BJP સતત એકબીજા પર પ્રહારો કરી રહ્યા છે. અરવિંદ કેજરીવાલ અને આતિશી દરરોજ પ્રેસ કોન્ફરન્સ કરીને BJP પર પ્રહારો કરી રહ્યા છે. ચૂંટણી રેલીઓમાં પણ અરવિંદ કેજરીવાલ સતત BJP પર નિશાન સાધી રહ્યા છે. આજે પણ પત્રકાર પરિષદમાં અરવિંદ કેજરીવાલ અને આતિશીએ BJP પર નિશાન સાધ્યું હતું.

CM આતિશીએ કહ્યું કે, જ્યારથી રમેશ બિધુરી કાલકાજીમાં ચૂંટણી લડી રહ્યા છે ત્યારથી કાલકાજીમાં ગુંડાગીરી ચાલી રહી છે. BJPના લોકોએ ખુલ્લેઆમ ગુંડાગીરીનો આશરો લીધો છે. રમેશ બિધુરીના ભત્રીજાઓ AAP ના કાર્યકરોને ડરાવી-ધમકાવી રહ્યા છે, પ્રચાર સામગ્રી છીનવી રહ્યા છે અને તેમને સળગાવી રહ્યા છે. તાજેતરના દિવસોમાં આવા ઘણા કિસ્સાઓ જોવા મળ્યા છે. અરવિંદ કેજરીવાલે પણ BJPના સભ્યોની ગુંડાગીરી પર સવાલો ઉઠાવ્યા હતા અને BJP પર ગંભીર આરોપો લગાવ્યા હતા અને ધરપકડની માગ કરી હતી.

બિધુરીના કાર્યકરોએ AAP ના વર્કરોને ધમકાવવાનો આરોપ...

CM આતિશીએ કહ્યું કે, રમેશ બિધુરીએ કાલકાજીમાં ગુંડાગીરી અને આતંકનું વાતાવરણ ઉભું કર્યું છે. 15 જાન્યુઆરીએ BJP પ્લેકાર્ડ પહેરેલા લોકો ગીરી નગરમાં આવ્યા અને AAP ના કાર્યકરો પાસેથી પેમ્ફલેટ છીનવી લીધા. તેઓએ પેમ્ફલેટ સળગાવી દીધા. 19 જાન્યુઆરીએ રમેશ બિધુરીએ અમારા કાર્યકરને ધમકી આપી હતી. તેણે ફોન પર કહ્યું કે, તે 8 ફેબ્રુઆરી પછી કેસ કરશે. 20 જાન્યુઆરીના રોજ BJP ની ટીમે નવજીવનના કેમ્પમાં ઘણા બાળકો પર BJP ના સ્ટીકરો ચોટાડ્યા હતા. જ્યારે AAP ના કાર્યકરોએ વાંધો ઉઠાવ્યો તો તેઓએ તેમની સાથે દુર્વ્યવહાર કર્યો. રમેશ બિધુરીના ભત્રીજા મનીષ બિધુરીએ AAP કાર્યકર્તાને કહ્યું કે, તમે ઘરે બેસી જાઓ, નહીં તો તેઓ તેમના હાથ-પગ તોડી નાખશે.

દિલ્હી પોલીસ BJPની ગુંડાગીરીને સુરક્ષા આપી...

અરવિંદ કેજરીવાલે કહ્યું કે BJP દ્વારા જે પ્રકારની હિંસા ફેલાવવામાં આવી રહી છે તેના સમાચાર આખી દિલ્હી (Delhi)માંથી આવી રહ્યા છે. આ મારી જ વિધાનસભામાં થઈ રહ્યું છે. કોઈ પક્ષ અથવા વ્યક્તિ હિંસા કરે છે જ્યારે તે વિચારે છે કે અહિંસક માધ્યમથી જીતવું મુશ્કેલ છે. BJP તેની ઐતિહાસિક હાર તરફ આગળ વધી રહ્યું હોવાથી સમગ્ર દિલ્હી (Delhi) ગભરાટમાં છે. BJP ની ડૂબતી નાવને બચાવવા માટે અમિત શાહે કમાન સંભાળી છે. દિલ્હી (Delhi) પોલીસને કાયદો અને વ્યવસ્થામાંથી પાછી ખેંચી લેવામાં આવી છે અને તેનો ઉપયોગ BJP ના પ્રચારમાં કરવામાં આવ્યો છે. હવે દિલ્હી (Delhi) પોલીસ BJP ના ગુંડાઓને ગુંડાગીરી કરવા માટે સુરક્ષા આપી રહી છે.